I of VI
Tā te tiamana pūrongo
Ko te Kōwheori19 tonu te wero nui i te tau nei, heoi anō kīhai i mutu tā mātou whai i te pae tawhiti, kimi ai i ngā āheinga e nui rawa ai te uara ki ō mātou kaiwhaipānga. Ehara tā mātou haere i te haere takitahi.
Nō mātou te whiwhi i te kāhui pakari o ngā rōpū Māori e mahi tahi ai mātou. Kia mahi tahi ana, kia tapatahi ana te hāpai o te hoe, ka nui whakaharahara te painga mō ō mātou tāngata.
I taea rā ō mātou hapori te tautoko i ngā wā o te taumahatanga nui nā runga i te mahinga tahitanga o te tokomaha. Ka tautoko tonu mātou i ngā whānau huri noa i te motu, mā te roherohenga tuku iho, me te āta poipoi i ngā whakahaerenga mahinga ika.
Tēnā tatou katoa e te iwi, ka nui te mihi kia koutou katoa.
Given the restrictions in Aotearoa this year, it gives me great pleasure to be able to provide you with this short video clip as an introduction to our annual report. While never as good as kanohi ki te kanohi, we are hopeful that in the near future we will return to some sense of normality.
In these uncertain times, this whakataukī has guided us this year.
Ko te pae tawhiti, whāia kia tata; ko te pae tata, whakamaua kia tīna.
Seek out distant horizons and cherish those you attain.
$10.8
miriona mō te tau pūtea 2020/21
E koa ana tō mātou Ohu ki te pūrongo i te moni whiwhi, arā e $10.8 miriona mō te tau pūtea 2020/21. Pērā me ētahi tau o mua, ko te utunga pūtea nei ki ō mātou iwi pupurihea tētahi painga nui, painga kikokiko tonu ki te tokorahi.
Koinei taku tau whakamutunga, ā, e mihi ana ahau ki ō mātou kaimahi katoa i Moana, ngā kaihiika whai kirimana me ngā kairuku. Kua whakaatu anō rātou i tō rātou manawaroa, kua mau ki te hoe, me te mahi i te mahi e tika ana.
He pai rawa tō mātou tira e ārahina ana e Steve Tarrant, ā, kua eke rātou ki te taumata, ki tua noa atu hoki hei manaaki i ngā iwi, inā hoki mai anō i te horanga o te mate urutā.
Tēnei au te tāoki nei hei Heamana, ā, he hōnore nui te noho ki a Moana i ngā tau e iwa nei, ka eke rā ki tōna tūranga hei kamupene hiika nui rawa nō ngā iwi tōna katoa, puta i Aotearoa.
Ka nui tōku whakahīhī i te whanaketanga o te tohu, te rautaki toitū oranga, me te pakaritanga ā-pūtea o te kamupene.
Tēnei te wawata ake i te tōnuitanga nui mō Moana New Zealand, ōna iwi pupurihea, tōhu Ohu me ō tatou kaimahi katoa ki tua o te pae.
Hinerangi Raumati
Director, Chair of the BoardII of VI
Tā te Tumuaki pūrongo
Mātua rā, ka mihi au ki ō mātou tāngata.
Kua whakaatu anō ō mātou kaimahi i te manawaroa i te wā o te mate urutā nei, me te kotahitanga hoki i a mātou e piki nei, e heke nei i ngā taumata ōhiti huri noa i te motu. E whakahīhī ana ahau i ō mātou kaimahi e hoe atu ana ki tua o te pae, i ā mātou tikanga hauora, tikanga haumarutanga kia ū ai ā mātou mahi ki ngā ture, me te manaaki hoki i a mātou anō, i ō mātou hoamahi anō hoki.
Ahakoa e pāngia kinotia tonu ana ā mātou mahi e te mate urutā Kōwheori19 i te roanga o te tau 2021, pēnei me ētahi atu pakihi huhua, kua tino whaihua tā mātou kete hua whānui tonu.
I piki atu ngā moni utunga i mua i te tāke, i mua i te huamoni, ki tua o te Mahere mā te 35 ōrau, ā, e 70 ōrau te pikinga mai anō i te tau kua hipa nei, i pāngia kinotia rawa rā e te horanga o te Kōwheori19 i te tōmuatanga o te tau 2020.
I ahu mai te nuinga o te pikinga o ngā moni utunga mai i tērā tau i ngā moni utunga kōura a te mahinga tahi ki a Port Nicholson Fisheries, ā, koirā hoki te take nui i eke rā ki tua o te Mahere i te tau nei. Kei raro iho nei te roanga o ēnei kōrero, arā he nui atu i te $8m te pikinga anō o te aurere moni utunga nei i waenga i ngā tau pūtea nei.
Tēnā koutou katoa, welcome everybody, Steve Tarrant here, CEO of Moana New Zealand.
I’d like to welcome you all to the first ever digital integrated annual report for Moana New Zealand.
At Moana we are continuously aware that natural capital and healthy ecosystems are impacted by a number of factors which we all have a responsibility to improve.
Our refreshed sustainability strategy has a strong focus on lightening our harvest and farming practices.
Our response to climate change is another area of focus and we’ve set ourselves an ambitious target of carbon neutral by 2040.
Our ability to meet this target will take great effort from all of those involved and it’s wonderful to see the commitment and engagement from our people at Moana New Zealand.
As you’ll all be aware this year has been an extremely difficult year for businesses within New Zealand. It has been a privilege to lead such a dedicated group of people who have turned up to work everyday to make sure we are delivering for our shareholders.
The ability to navigate our way through Covid has also been built on the foundation of fantastic support from both our Board of Directors and our shareholders.
From all of the staff at Moana New Zealand, we wish you continued health and wellness in 2022.
Tēnā koutou, tēnā koutou, kia ora, huihui mai, anō tātou katoa.
96%
te pikinga o tā mātou huamoni katoa i muri i te tāke, ki tua atu o tā tērā tau huanga
Kua pāngia kinotia ā mātou mahi e te raruraru o te haringa rawa i te ao, te pāhotia nuitia rā (utu nui atu, rēhitatanga tauwhatiwhati), me te pānga kino hoki o ngā nōhanga rāhui, tae atu ki ngā taumahanga o te hokohoko i Aotearoa, i ngā mākete o te ao anō hoki.
He kaha tonu te hiahoko ki ā mātou kai ahakoa te pānga kino o ngā utu iti iho i te Mahere mō ā mātou pāua pōwhā, i hokona rā mō te Tau Hou Hainamana 2021.
He pai hoki te whakataunga i te mutunga o tērā tau, arā kia tahuri i te whakatupuranga ki te whakaukaukatanga o tā mātou pakihi pāua kahurangi, i tata rā te ea o ngā nama i runga i ngā moni utunga i te tau pūtea nei i te taha o ngā nama nunui i ngā tau kua hipa. I eke rā tērā ahakoa te taumaha o ngā mahi tauhoko, ngā mahi whakariterite hoki e pā ana ki te tukunga o te kai ora ki Haina.
E 54 ōrau te ekenga o te huamoni katoa i muri i te tāke (hāunga rā te wāhi o ā Sealord moni utunga, e 50 ōrau) kia tua o te Mahere, e 96 ōrau te pikinga ki runga ake i tā tērā tau.
Steve Tarrant
Chief Executive OfficerIII of VI
Ngā Kaimoana Kounga a Aotearoa
E whakahīhī ana a Moana New Zealand ki te hao kaimoana mai i ngā wai horomata huri noa i Aotearoa e toitū ai te mauri ora. I Aotearoa nei, e mōhio pū ana mātou ki te taimoana, he tākaro, he kai, he noho, he ora nō mātou i āna hua.
I te wāhanga nei, ka pānui koe mō te whanonga o ā mātou kaimoana, o ā mātou kai rite-kia-kainga hoki i te roanga o te tau pūtea kua hori.
Ika whai tira
He nui ngā haonga, he nui ngā hokonga i te haurua tuatahi o te tau, ka iti haere i te haurua tuarua, ā, he pai te paunga o te tau.
He rite te ngāueue o ngā mākete rāwaho nunui i Ahitereiria me Amerika i te roanga ake o te tau, i te taupātanga, i te aukatinga a te Kōwheori19, me te aha ka nui ngā wero ki te kawenga rawa, ki ngā mahi whakariterite anō hoki mō ngā hua mata, ngā hua pātio hoki, he torutoru nō nā rerenga, he ruarua nō ngā pouaka hari rawa.
Ko te matapae mō ngā mākete tarāwhare he pikinga i te taha ki te Kōwheori19, e ora mai anō ai ngā ratonga kai, ka aroha hoki kīhai i tutuki. Heoi anō ahakoa aua taumahatanga, i eke te tapeke hokonga ki te 98 ōrau o te Mahere, inā hoki te pai.
I pakari tonu ngā mahi i ngā wheketere i te roanga o te tau, i āwhinatia rā e te katinga mō te wā poto o ngā hua a ētahi atu kaimahiika ko ā mātou mahi whakaputa hua, he pāngia nō ētahi e te Kōwheori19.
Nā te pikinga nei o ngā haonga i whakamātau te wātea mai o tō mātou hunga kaimahi wā poto e rite ana te wātea mai, i ngā wā mahi nui, he uaua nō te kimi kaimahi mō te nuinga o ngā whare mahiika. Nā te Kōwheori19 i tokoiti ai ngā kaimahi i te roanga o te tau, ā, e whakapae ana mātou hei runga tonu i a mātou te taumahatanga ki te kaupeka hou o te tau.
I mau tonu te aronga ki ngā mahi atamai, ka hokona ai he mata wai tapahi taraiwi. Hei te tau hou whakaurua ai, me te aha ka māia noa atu ngā mahi. Mā konei hoki e pai atu ai te whakamahinga o ngā kaimahi i roto i te wheketere, ka ākonga ngā kaimahi pūkenga kore ki ētahi pūkenga hou, ā, ka whakanukuhia ki wāhi kē hei tautoko i te mahi nei, te whakapaitanga tonutanga.
Ko tētahi wāhanga nui o tā mātou tauira mahi ko ngā whakaurunga rautaki, ā, e kimi tonu ana mātou i ngā āheinga ki te mahi tahi ki ētahi. I te ao, i te pō he huhua ngā wero kei mua i te aroaro, ā, ka mātakina tonutia, ka mahia tonutia e ngā kaiwhakahaere kia māmā ai te pā mai.
Kōura
E koa ana te ngākau i ngā putanga pai a Port Nicholson Fisheries (PNF) i ngā marama e ono kua hipa. Mahia mai ai ā Moana moni utunga mā tōna hoanga ki a PNF, he pakihi nō ngā iwi katoa, e arotahi ana ki te rārangi mahi kōura me ngā tukunga kōura ora anake.
E kaha tonu ana ngā utu kōura ora i te roanga o te tau, ā, kei mua noa atu i ngā utu o te tau kua hipa, i pāngia kinotia rā e te Kōwheori19. Ko ngā take nui ko te kukutitanga e mau tonu ana o te kawenga o te kōura Ahitereiriana ki Haina mai anō i te tōmuritanga o te Oketopa 2020, ā, ko te pikinga nui o te whanonga kounga, arā i eke te 97 ōrau o te pāpātanga tukunga oratanga i te taha o te Mahere, arā e 94 ōrau.
Kei te 186% ngā moni utunga TP21 mō te kōura, arā e $6.4m i runga ake i te Mahere, ā, 154% te pikinga mai anō i te tau kua hipa.
E whiwhi ana mātou ki te painga o ngā whakapaipaitanga o te rārangi mahi me ngā mahinga. E mārama ana te kitea o ērā i te uara iti kē o ngā kerēme tāmatenga a ngā kiritaki, me te pikinga o te nui o ngā ika i haoa e tukuna ana ki rāwāhi.
Me āta manaaki tonu te rāngai kōura kia kaua e poroa te TACC, ā, e tukaru ana i te poronga anō o te Whaitua 3 me te Whaitua 4 o te TACC mō te kaupeka hou i tīmata rā i te Aperira 2021, me te aha ka pāngia kinotia ngā haonga me ngā moni utunga mō Moana, mō ētahi atu kaipupurihea hoki o PNF.
E pakari tonu ana ngā tūnga rerenga mahi a PNF ahakoa te ngāueue o te hiahoko o te mākete me ngā utu. Tērā ko te tūhura i ētahi hangarau hou, hangarau atamai kia pai atu ai ngā pūnaha kounga, me ētahi atu momo hua nō runga i ngā taumata uara o runga ake.
E mau tonu ana te hiahoko nunui ki te ‘Jasus edwardsii’ o Aotearoa ki te haurua tuatahi o te kaupeka hou i roto i tētahi wā taumaha, waihoki i te wā nei kei mua i te Mahere a PNF, he nui atu te tuhenetanga katoa, ā, kei te taumata 95 ōrau ngā haonga hokonga ora.
Pāua Tūwā
Te taha ki te pāua tūwā, e pēhia tonutia ana ngā utu mai i te tōmuritanga o te TP20 tae atu ki te wā tauhoko o te Tau Hou Hainamana mō te TP21, me te aha kei raro ngā utu tūturu i ngā taumata i maheretia huri noa i ngā momo hua tauhoko katoa.
Nā te māmā o ngā utu o ngā hua a Awherika ki te Tonga i whakatauria ai ngā utu mō ngā mākete hua ora, ngā mākete hua pōwhā hoki.
Kua piki anō te hiahoko ki te pāua pōwhā mai anō i te TP20, engari kīhai ngā i piki anō, ka aroha hoki. Heoi, i kite mātou i ngā utu e piki ana i te tōmuritanga o te tau mō ngā hua ora, me te hiahoko anō hoki, he whāiti haere nō ngā haonga a Awherika ki te Tonga, me te tupuranga hoki o te āwangawanga o te kaihoko ki te nui o te pāua Ahitereiriana.
I whakapaipai tonu tō mātou tira haonga i ētahi āhuatanga matua e rua o te pāua ora, te tukunga wai me te morehutanga. E kitea haeretia ana tērā i roto i te mākete, ka piki anō te hiahoko mai.
Ka piki te hokonga o ngā hua pōwhā i te tōmuritanga o te kaupeka, he āwangawanga nō ngā kaihoko tarāwhare i te whaiwāhitanga ki ngā kaipuke, me ngā takamuritanga i runga i te Kōwheori19, me te aha ka wawe ake te hoko a ngā kiritaki mō te Tau Hou Hainamana 2022 tēnā i te nuinga o te wā, me te pai hoki o ngā utu.
Pāua Kahurangi
I te paunga o te TP20, i arotakea katoatia te pakihi hei tautohu mēnā rānei ka taea tā mātou pakihi pāua kahurangi te whakahaere kia whai hua ai.
Ka tautohua e ngā putanga o te arotake tētahi hiahia nui ki te tahuri atu i tētahi tauira tupuranga ki tētahi tauira whakaukauka kia ū ai te wāhanga nei. Ko te hua o te tau tuatahi o te tauira mahi nei, o te anga utu hoki ko te pikinga nunui o te whanonga, o ngā moni utunga hoki ki tua o te Mahere.
Kua tino eke tā mātou whakamatua i te pāmahana i te wā o te raumati nā te whakairinga o te ārai ki te tuanui, me te unuhanga hoki o tā mātou pūnaha papa, kāore nei i hoahoatia mō ā mātou momo ika. Me te aha ka tino heke ngā tāmatematenga, ā, ka tuputupu tonu te pāua i te wā o te raumati. Kātahi anō ka pēnei.
Ka eke te tukunga pāua kahurangi ora ki tōna tino taumata i te tau nei, me te kaha anō o te hiahoko i roto o Haina me Taiwan, ā, ka eke te moni puta mō te tau katoa ki tua o te Mahere mā te 12%.
He mea akiaki te pikinga utu i te tōmuritanga o te kaupeka nā te āwangawanga o ngā kaituku tarāwhare ka whāia e te Kāwanatanga Hainamana te pāua Ahitereiriana, pērā anō i te kōura Ahitereiriana.
I āta whakamāngaingaitia ngā tukunga pāua ora i te hauwhā whakamutunga kia wātea tonu ai ngā rāngai tuputupu ki te haurua tuatahi o te FY22, engari he nui atu te hiahia i te putunga pāua, me te aha nāna i āwhina ki te hiki anō i ngā utu mō te FY22.
Kai Ora (Rite kia Kainga)
Ko tā mātou pakihi kai ora te momo hua i pāngia kinotia rawa, nā ngā taumahatanga o te Kōwheori19 e pā tonu mai ana i te TP20.
Ka takamuri te tīmatanga o te whakaputanga kai mā te rua marama mō te kirimana Ope Kātua Whenua Moemoeā, nā runga i te torutoru o ngā whakangungu ope taua i te wā o ngā rāhui Kōwheori19, me te nui rawa o ngā ō taua i ahuahua.
Me te aha, ka whāiti iho ngā haonga i te hauwhā tuawhā o te TP21 me te hauwhā tuatahi o te FY22. I kite hoki mātou kāore he hokonga atawhai tangata i maheretia rā, he tahuri whakaroto kē nō ngā whenua e kaha ana ki te tautoko ā-pūtea i aua mahi i te horanga o te Kōwheori19, ā, ka parea atu ngā pūtea ki te tautoko i ngā take rāhui tarāwhare.
I tōia roatia ngā mahi o te whakarewanga o ā mātou kai rite-kia-kainga ki ngā toa, he tautohu nō ngā rangahau paerongo tuatahi me whakawhanake tonu ētahi tohutaka.
Ka whakapau kaha tō mātou tira whanaketanga hua hou ki te Papaioea i whanaketanga rārangi hua hou, ā, he pai rawa ngā putanga o ngā aromātai paerongo tuarua. Ka whakarewaina ki ngā toa hokohoko hei te FY22.
I oti hoki ngā mahi whai ture, ngā mahi tohu kai hoki i te tau nei mō te whakarewanga o ngā kai rite-kia-kainga mā runga Amazon ki Amerika hei huarahi hou ki te mākete hei te FY22.
I te Aperira i kopoua e mātou tētahi Kaiwhakahaere Whanaketanga Pakihi ā-Ao hei āwhina i te whanaketanga o ō mātou āheinga kai ora ā muri nei. Ka arotahi ia ki ngā hua kai ora tauhoko, ki te whanaketanga mākete hoki, ā, he nui te wāhi ki a ia i roto i ngā hinonga whakarewanga e rua nei.
Tio
I heke te nui o te tio i whakaputaina mā te 89,000 taihana i te roa o te wā pūrongo, he kore nō te haoa o te pāua tūwā mai i te Akuhata ki te Hepetema.
Nā ngā waipuke o Te Taitokerau i pēnei ai, me te aha ka nui ngā pāmu i katia, ka kore te pāua tūwā e kohia taea noatia te mutunga o te TP21.
E pāngia kinotia tonu ana tā mātou mahere tupuranga e te kahurakiraki o te putanga o te tio pirianga. E 67 ōrau noa iho te tio pirianga katoa, he mea whakaputa i runga i te kirimana, i whiwhi. Ka tōia roatia atu ki te FY23 te whakahokinga o te haonga nā runga i te itiiti o ngā haonga.
Whangaroa
Ka kore e tīmata te whakaputanga tauhoko tuatahi a te paonga o Moana i hangaia houtia, taea noatia te Pepuere 2022, hei muri atu rānei, nā runga i ngā rāhui Kōwheori19 me ngā raruraru o te rārangi mahi.
He whānui kē te pānga kino a te mākete tūranga mahi taumaha, me ngā kawenga rawa i te ao, ki te tukunga o tā mātou hinonga Tio Transformation.
Me te aha kua tōia roatia tā mātou mahere tuatahi mō te tukunga o te haumitanga pūtea, $15.9 miriona, i whakaritea hei takahuri i ā mātou mahinga pāmu hei hangarau pāmu huripoki, i tīmata rā i te Noema 2021.
I te roanga o te tau pūtea, i tino eke tā mātou hokonga i te 10.6 heketea whaitua wai i ētahi wāhi rautaki nui mō te whakatupu hua, hei tautoko i te rautaki tupuranga nui tonu. Kei te Hiku o te Ika, kei Pēwhairangi hoki ēnei.
Ko ngā taumahatanga nui o te Tio ko ngā haonga iti iho i ngā haonga i Maheretia mā te 11 ōrau, me ngā te iti hoki o te nuinga o ngā tio, ā, he pōturi iho ngā pāpātanga tupuranga i tēnei tau huri noa i te umanga.
He iti iho te utu taurite i te Mahere, ahakoa i mau tonu ngā utu tio mai i te TP20 ki te TP21, nā te ranunga o ngā rahinga, nā ngā haonga iti iho i te Mahere hoki.
I pāngia kinotia ngā haonga tio ora e ngā rāhui tāmutumutu i ngā mākete matua, i te taha o ngā utu rererangi nui atu i te mahere, me te aha ka itiiti iho ngā tio i te Mahere.
He pai te whanonga o tō mātou kaihoko hou i roto Rūhia, ka eke ki tua o te Mahere mō te tio ora ki te mākete nei, ahakoa ngā rāhui ā-rohe huhua. I kite hoki mātou i te hiahoko nui ki te hua pātio i te tōmuritanga o te kaupeka, me te aha ka kaha atu te hiahoko i te Whenua Moemoeā me Hong Kong i ngā haonga, ā, ka kaha te hiahoko tarāwhare i te roa o te tau, me te aha ka eke ki tua noa atu o te Mahere ko ngā hokonga toahoko me ngā hokonga waenga.
IV of VI
Sealord
He tau tōnui te tau mō Sealord ahakoa ngā taumahatanga a te Kōwheori19. He nui atu te HHMT i te Mahere mā te $5.1 miriona, arā e $31.7 miriona, ā, he nui atu i tā tērā tau (e 50 ōrau te hea ki a Moana) mā te $2.4 miriona.
I eke te putanga nei ahakoa te hekenga o te haonga tūwā mā te 6 ōrau mai anō i tērā tau, arā e 99,267 tāna, ā, ka rāhuitia e te Kāwanatanga ngā kaumoana rāwaho, me te aha ka takamuri ngā rewanga waka i te tīmatanga o te tau, me te tau wheketere nihoroa hoki.
He nui atu te moni hokonga ā-tau i pūrongotia mā te 13 ōrau mai anō i tērā tau, arā e $449 miriona, ahakoa e 8 noa iho ngā marama o te TP20 i hua ai he moni mai i te kamupene hāmana nei a Petuna Aquaculture, i muri mai i te rironga i a Sealord o ngā hea e toe ana i te Pepuere 2020.
Ko te mea pai, i mua kē i te Mahere me te TP20 e haere ana ko te UMMT mai i tā mātou pakihi hiika matua me Petuna Aquaculture anō hoki, ā, nā te arotahi pū ki ngā taipitopito mahinga, nā te raungāwari o ngā hokonga mātou i āwhina ki te hiki i ngā taumahatanga o te Kōwheori19. Ka whakamāmātia tēnei e ngā huanga iti iho mai i te ngā kamupene hiika nō mātou hoki te 50 ōrau, arā i a Westfleet me Australian Longline. Me te aha ka taumaha hoki ngā pakihi nei i te iti haere o te hiahoko ratonga kai, me ngā pānga o te Kōwheori19 i ngā whakariteritenga ki ngā mākete matua, ki ngā ika matua hoki.
Ahakoa te pikinga o ngā hokonga ki rāwāhi mā te 13 ōrau ki runga i ā te TP20, he taumaha tonu te wāhanga nei, arā he takamuri ana ngā kaipuke kawe rawa me ngā tauranga, ngā utu taumaha, me te iti o te hiahoko ratonga kai. He māmā iho ngā utu mō ētahi kai rangatira, engari he nui ake mō ngā ika utu iti pēnei me te tawatawa me te mangā nā runga i ngā raruraru Kōwheori o tukunga rawa i ētahi atu wāhi o te ao.
He nui atu ngā utu mō ngā momo ika utu māmā pēnei me te tawatawa me te mangā, i runga i ngā raruraru ratonga i hua ake i te Kōwheori19 i ētahi atu wāhi i te ao.
E tuputupu tou ana ā Sealord hokonga kai pātio ki te Whenua Moemoeā, 17 ōrau te piki mai i te tau ō mua. Ka whakamāmātia tēnei āhuatanga e ngā hokonga kai mata (Petuna), kai pātio hoki (haonga tūwā a Sealord) nā runga i ngā nōhanga rāhuitanga, me te kore noa e āhei ki te kai ki ngā whare kai.
Hui katoa, he iti iho ngā moni hokonga ā-tau i ā tērā tau i Aotearoa mā te 5 ōrau, ko te take nui ko te pikinga nunui o te hokona o te tuna moana me te hāmana pōwhā ki ngā toa hokomaha mō te wā kotahi nei, i te wā o te nōhanga rāhui Kōwheori19 tuatahi i te TP20.
V of VI
Matapae
Nōku i tuhi i taku pūrongo i tērā tau, ka koa mātou i te mārō o te haere a te pakihi i te horanga o te Kōwheori19, ā, ka manako hoki ka pai haere anō ngā āhuatanga tauhokohoko i ngā marama 12 i whai rā, ā, ka hoki ki ngā ‘mahi māori noa’. E mārama ana te kitea i te rā nei ka kore pea te ao e hoki ki ngā wā ‘ō mua i te Kōwheori19’ i ngā rangi e haramai nei.
Me urutau tonu, me atamai tonu mātou i te ao hou nei. E whakapono tonu ana mātou ka taea te ‘ao māori hou’ te tāroi i runga i te pakari o tā mātou kete rawa whānui; te ārahitanga pakari; ngā hoanga ki ngā kairato, ngā kaipupurihea me ngā kiritaki; me te kaha hoki o te hiahoko ki ā mātou kaimoana, ki ā mātou kai ora.
Me whakapau kaha hoki kia noho ai hei ‘wāhi mahi pai rawa atu’ ahakoa te mākete kaimahi uaua, e taumaha ai te kopounga, te pupuritanga hoki o ngā kaimahi.
Leroy Apiata - Tio, Whangaroa
Ka whai tonu te wāhanga Ika ki te whakawhānui i te uara o te huinga roherohenga e kūtia nei, e whakawhāititia nei e ngā panonitanga kino ki te HTKW, inā hoki te hāpuka, tae atu ki te whakaaetanga a te ahumahi hei waiho i te 10 ōrau o te tarakihi ki Te Tairāwhiti. Mā te whakawhitinga mākete, me ngā mahi hou i te mahinga me te whakaputanga kai, e ngaringari haere ai te uara i ngā hōngere e tika ana, hei reira pai atu ai te wehenga o te utu hoko i te utu whakaputa. E hoko kē ana mātou i ngā kai kounga, me te aha kāore he hua hei kapo wawe nei kia tere ai te tupuranga, ā, ko tētahi āheinga ko tā mātou momo kai e piri atu ai tā mātou tohu, e rite ana mā te kiritaki.
Te taha ki te pāua tūwā, e whakaaro ana mātou ka ngaringari te pikinga o te utu o ā mātou kai pōwhā, ā, mō te wā o te Tau Hou Hainamana te nuinga o ngā hokonga me te hiahoko hoki. Tērā te āwangawanga ka kore e wātea mai ngā kaipuka kawe rawa, me te aha e tono pāwawe ana ngā kiritaki. Ahakoa te whanaketanga o ētahi atu momo kai (pāua ora, me te Pātio Tere Takitahi, PTT rānei) me ētahi atu hōngere, ka nui tonu tā mātou whirinaki ki te hiahoko o te Tau Hou Hainamana ki ā mātou kai pōwhā. E takoto ana te mānuka ki ngā utu o ētahi atu momo kai e hokona ana ki Haina, nā ngā hua pāmu tarāwhare me ētahi atu whenua hoki, me te tūraru anō ka iti iho ngā utu i runga i ngā matea ā-moni nei, me te hiahia ki te hoko i ngā putunga hua, inā rā ko ngā hua PTT.
Ahakoa e ora tonu ana ngā moni utunga kōura i te tukituki ā-tōrangapū a Ahitereiria ki a Haina, kāore i oatitia te taupātanga tonutanga o ngā tukunga rawa i te Whenua Moemoeā ki Haina. Me te aha e puta mai ana i te korenga o te kōura Ahitereiriana ko te āheinga ki te whakawhiti ki ētahi momo kōura nō ngā wāhi mahana atu, ki te kōura pāmu hoki, me te aha ka pāngia kinotia pea ngā utu wā roroa mō te kōura o Aotearoa. Nā runga i te wā i tautohua ai te moni whiwhi mai i PNF, me te whakaaro ki te utu me te wehenga o ngā utu i ngā nama, kua Whakamaheretia e mātou kia iti iho tō Moana wāhanga o ngā moni utunga mā te 25 ōrau i te TP22.
Te taha ki te Pāua Kahurangi, i ngā marama 12 e tū mai nei ka arotahi tonu ki te tukutuku i ngā moni utunga ukauka mā te hoko tōmua me te hokohoko. Nā tētahi tāmatematenga pirianga nunui nō te toru tau, i kūtia ai ngā haonga e wātea ana, ā, me āta manaaki kia whiwhi tonu ai ngā kiritaki ki te kai nei mō ngā tau 12 nei. Ko tā mātou whāinga ko te kai ora ki Haina, ā, ahakoa he iti rawa ā mātou haonga i te taha o ngā pāua pāmu huri i te ao, e hiahokona tonutia ana ā mātou hua rongomaiwhiti. Kāore e kore ka uaua pea te taha ki ā mātou utu nā runga i ngā whakataunga utu a ō mātou hoa whakataetae nunui (pēnei me Awherika ki te Tonga me te Whenua Moemoeā) me ā rātou utu whakaputa pāua iti kē, me te hiahia anō kia hokona tonutia ngā kai.
Te taha ki te Pāua Kahurangi, i ngā marama 12 e tū mai nei ka arotahi tonu ki te tukutuku i ngā moni utunga ukauka mā te hoko tōmua me te hokohoko.
Ko te aronga nui mō ngā mahi a tā mātou pakihi tio i ngā marama 12 nei kia eke i te paonga hou ko ngā pae e tika ana mō te tukutukunga o ngā haonga arumoni pirianga, me te whakahaere tonu i te hinonga whakaihiihi tio, me te kora noa e whakararuraru i te tupuranga pirianga i runga pāmu, i te tukunga kai ki te kiritaki hoki. Ka hua ake he nama i ā te pakihi mahi mō ngā rawa o te paonga me ngā āheinga pāmu. Kātahi anō ka puta ake ngā moni utunga i ngā hokonga pāwawe, nā runga i te roa o te oranga o te tio, arā 18 ki te 24 marama. Ka pāngia kinotia te haonga e wātea ana hei te tau 2022 me te tau 2023 e te mūhorenga paonga i te tau 2020 me te tau 2021. E whakaarohia ana ka rite te nui o ngā hua e hokona ana ki tō tērā tau, ā, ka piki ngā utu ki ngā taumata ō mua i te horanga o te Kōwheori19.
Tuia ki ngā putanga pūtea, ka whai tonu mātou kia kore noa e pā te mamae ki ō mātou tāngata. He mārama tā mātou rautaki mō te haumarutanga me te hauora, ā, kāore he huringa kē.
VI of VI
Whakaahua O Moana New Zealand
E whakahīhī ana mātou i te mea nō te iwi Māori tō mātou katoa 100 ōrau, ā, ia tau ia tau whakapau kaha ai mātou kia nui atu ai te uara mō ō mātou iwi pupurihea mā te māia o ā mātou mahi pakihi, me te whakatinana i ā mātou tikanga.
Iwi
100%
nō te Māori
58
ngā Iwi pupurihea
36
ngā whakaurunga ā-iwi roroa
$126
miriona moni hua i whakautua ki ngā iwi ki te rā nei
$10.8
miriona moni hua mō te tau
$14.1
i whakautua ki ngā kaihiika kirimana Māori, kaiwhakatupu tio, kairuku pāua
983
ngā ākonga mai ngā kura 10 i Te Taitokerau i tautokona mā Kiwi Can
Mahinga
8
ngā whare mahiika
321
ngā kaimahi
39
ngā waka hiika whai kirimana ukiuki
64%
o ā mātou ika ka hīia e ngā waka nō te Māori
79%
he Māori ngā kaumoana ō runga
37
ngā kairuku whai kirimana (e 70% he Māori)
10
ngā kaiwhakatupu tio whai kirimana (e 60% he Māori)
Harvest - Our products
Pāua Kahurangi
Pāua Tūwā
Kōura
Tio
Kai Ora
Ika Whai Tira
Market
3
ngā toa hokohoko
$4.2
miriona Amerika ki te Raki
$7.0
miriona Haina
$2.0
miriona Ētahi atu**
$16.2
miriona Toenga o Āhia*
$33.9
miriona Whenua Moemoeā
$64.2
miriona Aotearoa***
*Singapore, Hong Kong, Taiwan
**Europe, Pacific Islands and Middle East
***Figures include Lobster ACE sold through Port Nicholson Fisheries partnership
**Europe, Pacific Islands and Middle East
***Figures include Lobster ACE sold through Port Nicholson Fisheries partnership
Up or down on previous year
Arotahi ana ki ngā kaupapa nunui ki ō mātou kaipupurihea
E toru ngā whakamātautau hiranga mātotoru o ia rua tau kua oti i a Moana New Zealand. I oti te mea ō mua nei i te tau 2020, ā, hei te tau 2022 mahia ai tētahi atu. He mea hoahoa te whakamātautau nei kia mārama ai ki te pakihi he aha rā tā ngā kaipupurihea e whakapono ai he whakahirahira.
Koinei ngā kaupapa e rima i noho mai hei kaupapa whakahirahira ki ngā kaipupurihea i te tau 2020 i roto i te hātepe whakaraupapa whānui:
01.
Tiakitanga momo ika mōrearea, whakawhāititanga haonga tē hiahiatia ai
Tautoko tonu i te Black Petrel Working Group, te Precision Seafood Harvesting me te Māui Dolphin Drone project.
I tēnei tau, i tautoko anō mātou i ō mātou kaihiika whai kirimana kia ae atu ai ki Aotea, āwhina ai ki te whakapiri pōria ki te manu.
02.
Whakamahinga kaimoana
Tautoko tonu i te hinonga Kai Ika Kai Ika.
03.
Mahi hiika atamai kia toitū ake ai te mauri ora
Haumi tonu i te Precision Seafood Harvesting, tīmata tā mātou Tio Transformation project.
04.
Whakapaitanga mahi mā te akoako ki ngā kaimahi
Whakahuihuia ō mātou tāngata ki te wānanga i te unuhanga hauhā i ā mātou mahi, i whakahaere wānanga hoki hei tautohu i ngā whakapaipaitanga mahi i whakatinanatia rā.
05.
Whakatinanatia ngā rautaki, mahia te mahi pai
Whakarewaina te mahere toitū oranga hou – Hononga Tūturu, i arotakea hoki te rautaki wawata nui mō ngā tau e rima, ka pūrongo ai i ngā mahere o ngā mahi i te taha o ngā mahi i oti.