E aro ana te Hōtaka Hoa Tumu a Moana New Zealand ki te haumitanga o te pūmanawa whakahaerenga Māori mō muri nei, me te tupuranga ukauka me te tōnuitanga hoki o te rāngai kaimoana Māori, te ōhanga Māori me Aotearoa. Kua piri hoki a Rawinia Lewis ki te Ohu Tumu o Sealord, e whānui atu ai ngā āheinga ki te tupu, ki te tautoko i ngā mātanga Māori, me te poipoi i ngā āheinga whakahaerenga ki ngā kauhanga huinga o āpōpō.

Nā runga i te kounga o ngā kaitono hoa tumu i te tau nei, kua oti i a Moana te whakawhanake, tētahi whakaaro te tuku hoki ki te kāhui o ngā kaimātai ohu, te whakarite rānei i ētahi atu āheinga akoranga hei whakatupu i te pūmanawa whakahaerenga Māori. I tukuna ki ngā kaitono katoa, rātou i eke me rātou kāore i eke, te āheinga ki te uru i te 2024 Amorangi Hui Taumata mō ngā uri Māori Tumu Whakahaere, i te taha o ētahi o ngā kaiārahi o Moana. I mihi te hunga i tae atu mō te āheinga ki te uru ā-tinana atu me ngā whakaaro kia whakamahia ngā akoranga ki ō rātou rōpū whakahaere.

Te haumitanga o ā tātou rangatahi

E mahi tahi ana a Moana ki te Tangaroa Research Institute — TriOceans, he kāhui kaipūtaiao, ihu atamai hoki e whakamahi ana i ō rātou tūāpapa mātauranga ki te ako i te rangatahi ki te pūtaiao ika moana me ngā akoranga taimoana. Kawe ai rātou i ngā rangahau kounga rawa, ka whakaihiihi i te tangata mā te mātauranga, me te whiriwhiri i te mātauranga Māori ki ngā mahi pūtaiao hou.

Kei te Pēwhairangi rātou e tau ana, ā, e whakapono ana he mea nui te tuari kōrero ki ngā reanga katoa—mai i ngā toronga kura ki ngā piatanga taumata whare wānanga. Ka whiri tahi tā rātou hōtaka mātauranga i te whakaihiihitanga rangatahi ki te poipoinga kairangahau o āpōpō me ā rātou ake rangahau pūtaiao.

Kua whā tau a Moana New Zealand e whakahīhī ana i te tautokona o te hōtaka a TriOceans, ā, e pōhiri ana i te rangatahi ki te ako i te ahumoana ki ō mātou whare, ki Te Taitokerau. I te Mei, ka whakamanuhiritia e te tira Pāua Kahuranga me te tira Tio i tētahi rōpū ako hihiko, ka ako ai i ētahi atu kōrero mō te whakatupuranga o ā mātou kaimoana ataahua.

He tāroinga tūhurahura mō tētahi tauira ki Kirikiritātangi

I tae atu tētahi tauira nō te Kāreti o Whakatū mō te Kōhine, a Eva Banks, ki tētahi huinga mātauranga i te Mei, ki reira toro ai ki te paonga tio a Moana. Nā te toronga nei ia i whakaaweawetia ai ki te tono wheako mahi ki taua whare i roto i ngā hararei kura, ā, mai i taua wā i reira, kua tino ū a Eva ki te rāngai ahumoana.

Ka mea a Eva, “He pārekareka ki ahau taku noho ki Moana, ko te mahi i te pūkohu wai taku tino i te wā nei. He ngahau rawa ki ahau, ā, e tino pīrangi ana au kia nui atu taku mōhio ki tērā, me ētahi atu wāhanga o te paonga tio me te tupuranga. I tōmina ana ahau ki mahi i ētahi atu mahi mā rātou.

He mea whakamana nā NZIDT (New Zealand Islamic Development Trust), ka tū tō mātou wheketere whaimana-Halal ki Te Papaioea hei tohu o te whakapono me te motuhenga i roto i te rāngai. Tēnei mātou te whakaū nei i te urunga o ngā kai whaimana-Halal anake ki roto i ō mātou whare, e whāia ai ngā tikanga mārōrō mai i te tīmatanga ki te mutunga.

Mai anō i tōna rewanga i te tau 2020, kua rewa tētahi rārangi kai rite-kia-kainga mātaotao reka rawa ki te mākete, me te aha kua ara te hiahia kia whakahoutia te paetukutuku kia pai ai tā mātou whakaatu i ā mātou hua e whanake tonu nei ki ngā kiritaki.

Mā te paetukutuku hou nei e māmā ake ai, e whānui atu ai te tirotiro a ō mātou kiritaki, tarāwhare mai, tāwāhi mai, i tā mātou rārangi roa o ngā kai me nga ratonga. Kei Moana Meals te katoa.

Mark Hartstonge

Nihowera Matua, The Wellington Club

“He rite tonu te kounga, ā, ka tae ataahua rawa mai te kaimoana. He rawe ki ahau te manaaki—ka māia tonu atu au ka whiwhi ki ngā hua pai rawa mai i a Moana. He reka rawa ki ō mātou kiritaki roroa ngā tāpaetanga kaimoana me ngā utu motuhake, ā, ka rawe ā rātou mahi i ngā ika o te wā pēnei me te rāwaru me te tio.”

Darren Shead

Executive Chef, Charley Noble/The Food Lab, Wellington


"He pai rawa ki ahau te kounga o ā Moana hua—kāore koe e tuku mai i ngā mea i rukea ki te pēke kirhou, engari kē e pūheratia ataahuatia ana ki te ipu, e rauiritia ana ngā ika. He iti rawa te mahi mā mātou i āu tītipi ika; me tapahi noa iho. Ka tae oti noa mai. E nui taku whakapono ki tōu tira, he āhei nōku ki te waea atu i te ao, i te pō, me te mōhio anō ka ū te haepapa me te riterite i pā ai tō rongo."

Akihiro Nakamura

Executive Chef, Katsura Restaurant, Auckland

"Whakamahi ai mātou i āu ika (tarakihi, araara, tunamoana, tāmure) me ngā tio mō tā mātou rārangi kai a la carte me te tahuaroa, ā, he rite tonu tō mātou koa i te kounga. He tino pai tā koutou manaaki i a mātou, ā, e mihi ana. He reka ngā kōrero mō te āhua o tā koutou hao, ā koutou mahi hoki, ā, kua mōhio mātou ki te nui o te aroha o roto, ka maharatia e mātou, ka whākina ki ō mātou kiritaki hoki."

Whakahīhī ana ki te tautoko i ngā wakatopatopa whakaora ki nga rohe

I tautoko a Moana NZ i te hapori ki te kohi moni mō te Ratonga Wakatopatopa Whakaora o te Taitokerau, arā kki ngā kete kaimoana hei wāhanga o ngā paraihe kki te huinga, e rua rā te roa. Kawe wawe ai te wakatopatopa whakaora o Te Taitokerau i te tangata ki ngā ratonga hauora mō te hunga e pāngia kinotia ana, me te whakaū hoki e wātea atu ana te āwhina whakaora ka mate ohorere ana tētahi. Waihoki, i tuku kete kaimoana a Moana NZ ki te Whitianga Coastguard Seafood Raffle ki te Oceans Festival i te tau nei, te tautoko nei i te Whitianga Volunteer Coastguard e āwhina ana ki te whakaora tangata.

Huinga kohi moni Maanawatia a Matariki ki Pūkaha

I tīmata wawe ngā whakanuitanga ki te whakatuwheratanga o te whare toi hou, ka whai muri ko te whakangahau me te kai reka i te rangi katoa. He whai tikanga tēnei, he taka nō te wā o Matariki i te whakamaharatanga rua tau o te whakahoanga o Te Tuku i waenga i a Rangitāne me Pūkaha, me te tau tuatahi o te whakatuwheratanga o Te Whare Wānanga Taiao o Manukura. I takkoha ika a Moana ki te tina kohi moni aroha, he angitu nunui. “Mā Rangitāne o Wairarapa, Rangitāne o Tāmaki Nui a Rua me Pūkaha, e miihi ana mātou ki a Moana New Zealand mō koutou i takoha matareka ki tā mātou huinga kohi moni Mānawatia a Matariki ki Pūkaha.”

Kohinga Moni Aroha a Tōtara Hospice

He whakahīhī a Moana ki te tautoko i te iwa o ngā Tōtara Hospice Annual Long Lunch Charity Gala i te 23 o Hune. He rōpū aroha ā-rohe te Tōtara Hospice, kei tōna 520,000 tāngata te nui—ā, koia tētahi o ngā mea nui rawa, ngā mea kanorau rawa e tuku ana i ngā ratonga manaaki tūroro koreutu, he kaupapa-rau, he mātanga, he aro i te katoa, ki ngā rohe o te tonga me te rāwhiti-mā-tonga o Tāmaki Makaurau. Nā Nihowera Nancye me tōna tira i Te Kaahu i te Pullman Hotel Auckland Airport i taka te Ika Mata, ā, nā Moana i hoatu te araara. Ka tukuna atu ngā moni hei tautoko i ngā iwi o te rohe. He toronga pea tēnei ki ngā kāinga o te hunga manawa kiore, ka haria ai ki Te Puna Ora o Tītara - te whare noho pai kia piri tahi ai hei hapori, kia rongo ai i te aroha, kia manaakitia ai hoki.