All previous reports can be found at moana.co.nz
I tēnei tau, ka whakatinana tā mātou whakataukī i te pūngao o ngā au e rere ana i te ao. Ka whāngai te pūngao, ka kai anō hoki, nō reira ka ū tonu te manawa ki te whakaeke i ngā tai nei.
E poua ana ko te kaha me te titikana o ngā tāngata i Moana New Zealand e mahi tahi ana ki te whakawhiti, i ētahi wā, ngā wai pukapuka, arā ko te hoahoa ātanga o te hoe i hangaia e te ringatoi Māori, te ringatoi rongonui, e Tim Worrall.
He rōpū a Moana New Zealand nā ngā Iwi 100%, e herea ana e ngā mātāpono o te manaakitanga (tā mātou manaaki i ō mātou tāngata), te whakatipuranga (tōnuitanga mō ngā whakatipuranga), te whakapapa (tō mātou takenga - nō hea mātou), me te kaitiakitanga (he kaitiaki mō ngā whakatupuranga). I roto i ā mātou mahi katoa, ka whakamau ki te pae tawhiti.
I eke a Moana New Zealand i tētahi tau taumata nui i te urunga a te pakihi ki tētahi whakaaetanga roroa mō te Haonga Ika ā-Tau o uta a Sanford, e tū ai a Moana New Zealand hei kamupene nui rawa mō te hiika o uta i Aotearoa.
Pēnei i tō mātou puritanga e ngā Iwi, tēnei mātou te mihi nei i ō mātou kaipupurihea mā te whakaputa i te pūrongo ki te reo Pākehā me Te Reo Māori.
Tēnā koe mōu i noho ki te kimi māramatanga mō Moana New Zealand, ō mātou tāngata, me tā mātou e whakapau kaha nei i te whakatutuki mā ō mātou Iwi pupuhea, mō rātou hoki.
TIROHIA NGĀ TAUĀKĪ PŪTEA TŌ TĒRĀ TAU PŪRONGOHiika ai, hao ai mātou i ngā wai anake o uta i Aotearoa. Ko tēnei tētahi o ngā mahinga ika horomata katoa o te ao e whakamahia ai kia toitū ai te mauri. Ka tūhono i a koe ki te tāwara o tētahi wāhi tōtika, wāhi urutapu.
E kawe mai ana i ngā momo ika o Aotearoa e hiahiatia nuitia ana, ko te pāua kahurangi, te pāua tūwā, te ika whai tira, te kōura me te tio. Ko te kaimoana o runga rawa, te āta haria māmātia mai nei ki te mākete e mau tonu ai, e tiakina tonutia ai tōna tāwara horomata me tōna rongomaiwhiti motuhake. Anō nei i reira koe, nāu anō i hao ake.
He mea nui i a mātou te haepapatanga, te whakaute hoki i ā mātou kaimoana, ka whakamana i te taonga kei ō mātou ringaringa. I roto i ā mātou mahi katoa, ka whakamau ki te pae tawhiti, ka mahi tahi ki te taiao kia toitū ai te mauri o ō mātou mahinga ika mō ngā whakatupuranga.
Ko mātou ngā kaitiaki o ngā rawa mahiika Māori, ā, e titikaha ana mātou ki te tautoko i te oranga o ngā whakatupuranga e haere mai nei.
Ka tūhono mātou i te ao ki te tāwara tūturu, ki te rongomaiwhiti motuhake o ngā kaimoana me ngā kai ora kounga katoa o Aotearoa.
Ā mātou tikanga
— –ko ō mātou mātāpono te tūāpapa o ā mātou mahi katoa
He kete tairite, he kete pūmau i whakaritea kia tupu ai, e noho ai hei tūāpapa ko te ārahitanga e mātai ana ki tua, te ārahitanga atamai, e puta ake ai te oranga toitū roroa mō ngā whakatupuranga. Ka mātairia te pae tawhiti i ā mātou haumitanga katoa.
He mahi tahi te āhua o te pupuri, o te whakawhanake hoki i te māramatanga rāroto o tō mātou whakapapa, ngā hiahia me ngā wawata o ō mātou tāngata, kaipupurihea, kaiwhaipānga hoki. Ko te haumitanga i ō mātou tāngata, hangarau, mahi atamai hoki hei mihi ki te whakataunga o ngā rawa mahiika mā ngā Iwi.
Ko te aroha ki ō mātou tangata, me te hanganga me te poipoinga o ngā whanaungatanga me ngā whakahoanga tūturu kia tūmau ai te rāngai.
Ko te noho hei kaitiaki haepapa, kaitiaki kakama o ngā taonga kei ō mātou ringaringa hei manaaki, hei tiaki mā ō mātou Iwi pupurihea.
Ko te whakawhānuitanga roroa o te uara mō ō mātou kaipupurihea, kaiwhaipānga hoki, tae atu ki ngā hapori e mahi ai mātou.