Hononga tūturu
true connection
Ko ngā uara a Moana New Zealand te tūāpapa o ā mātou mahi katoa hei whakaū i te tiakanga haepapa o te taonga i waiho mā mātou hei atawhai, hei whakarekarekatanga mā ngā whakatupuranga o muri nei.
I
of
XI
Ko te tautoko a Port Nicholson Fisheries me Moana New Zealand i te 10% atu anō o te kōura ki CRA3 i whataina tūaotia, he whakatinanatanga o te kaitiakitanga
I te tōmuatanga o te tau nei, ka pānuitia e te Kāwanatanga te whakawhāititanga o te haonga katoa e whakaaetia ana mā te 20 ōrau, mō te kōura ki te mahinga ika CRA3, e heke ai ngā pae haonga tauhokohoko i te 195 tāna ki te 156 tāna, ā, ka hora mai i te raki o Māhia ki Tūranga me Whangaokeno. Nā Port Nicholson Fisheries te karanga ki te whakawhāiti tonu atu i ngā pae haonga ki tua noa o tā te kāwanatanga i tohutohu ai mā te 10 ōrau atu hei āwhina kki te whakahoki mai i tōna mauri.
Ko Port Nicholson Fisheries he whakaurunga i waenga i a Moana New Zealand me ōna mema taketake e toru - Parininihi ki Waitōtara (PKW), Iwi Collective Partnership (ICP) me Ngāti Mutunga o Wharekauri.
Koinei te pakihi kōura nui rawa i Aotearoa nā te Māori, ā, kua tupu kia noho hei kaituku kōura ora nui tuarua o te motu. Hei reira whakatinanatia ai ngā uara tuku iho nei, ko te motuhenga, te haonga haepapa o ngā rauemi kaimoana, me te whakaute nui ki ōna hapori.
He whakatinanatanga tēnei o te kaitiakitanga, he whakapuakanga hoki o ngā uara e noho ana hei tūāpapa o ngā pakihi e rua nei. Ko ngā whakatau o nāianei mō tua o te pae, ā, mō te tautokonga hoki o te mahinga ika mauri ora.
Koinei te pakihi kōura nui rawa i Aotearoa nā te Māori, ā, kua tupu kia noho hei kaituku kōura ora nui tuarua o te motu.
II
of
XI
Eke ki te Pae Rua te haumāmā o te Takahanga a te Haonga
E aro ana i a Moana New Zealand mā te whakawhānuitanga o te uara, kaua o te haonga, e pai ake ai ngā painga o muri nei, he mutunga tō ngā pūnaha rauropi taimoana.
E arongia ana hoki me eke te taha pūtea hoki o te pakihi e pai ai te haumi anō i ngā mahi kia toitū ai te mauri. He mea āta hoahoa te hinonga takahanga haonga nei kia nui atu ai te uara mā te atamai o ngā rawa, te pānga māmā kē ki te takere moana, te āta tīpakohanga me te kounga.
I te mutunga iho, ko te pae tawhiti mō Moana New Zealand ko te mihia ōna puta i te ao mō ngā mahi papai o te mahinga ika o uta. Mā te Hinonga Takahanga Haonga mātou e whakapiki ai i te ora o ō tātou moana me te kawe tonu i ō mātou haepapa ā-tauhoko mā ngā iwi me ngā whakatupuranga e haere mai nei.
E toru ngā pou o te hōtaka mahinga ika:
- E mārama ki hea mahiika ai, kore ai e mahiika
- E mārama te āhua o ngā maitai mahiika o āpōpō, kia māmā ake ai tā mātou pānga ki te takere moana
- Te whanonga me te ahurea o te kaihiika haepapa
Ngā ekenga Pae Tahi
Ko te whakatinantanga o te taputapu mahere-whenua acrGIS hei tātari i te nui, i te wāhi hoki o tā mātou takahanga haonga i te takanga o te wā. I te korenga o tētahi whakamārama i whakaaetia e te motu, kua oti i a mātou te tautohu i ētahi nōhanga hihira hei wāhi taimoana e tautoko ana i te rerenga rauropi me te whakaputanga ura, tae atu ki te karepō me te pūkawa
Kua tata oti te whakawhitianga o nga hanganga rō wai i runga i ō mātou pāmu tio, ā, hei reira pai ake ai te rere o te wai, whāiti iho ai hoki tā mātou pānga ki te takere moana ki te takere moana kia poipoia ai te rerenga rauropi i raro i te pāmu; kua whakaritea e mātou tētahi hōtaka aromātai, e toru tau te roa, hei mātai i tēnei, engari kua pāngia e ngā huarere kikino.
Ko te kirimana i te whakaihuwaka hangarau mahiika nei o te ao, i a Tākuta Steve Eayrs, māna hei arotake, hei pūrongo hoki i ngā mahi atamai, ngā wawata hoki a ō mātou kaihiika kirimana e whakamahi ana i te pūhoro takere hei mahiika. Ka whakaatu te pūrongo mātotoru kua whakarerekē haere ngā kaihiika i roto i ngā tau, ā, kua tino huri ngā mahi hiika tauhoko. E aro ana i a Fisheries New Zealand me Seafood New Zealand te uara o te mahi kua oti i a mātou, ā, e hora haere ana tēnei ki te motu whānui.
He kirimana ā-tau ā ō mātou kaihiika kirimana e whakamārama ana i ō mātou hiahia. E titikaha hoki ana rātou ki te tae ā-tinana ki ā mātou Responsible Fishers Workshops o ia tau, hei whakaū i te tautokonga paitanga, me te whakaaturanga tonutanga o ngā whanonga papai i runga wai. Kua whakaritea he kāmera ki runga i ō mātou waka pūhoro katoa mai anō i te tau 2016. Play video
Mō te Pae Rua, ka arotahi mātou ki ēnei mea:
E whā ngā rangahau kēhi ka whakahaeretia kia mārama ai te pānga o ngā tikanga pānga takere hei huarahi mō ngā kaihiika kia whakawhāiti i ngā puhanga waro, kia whakamāmā tonu atu hoki i ngā taputapu hiika kia māmā ai te pānga ki te takere moana. Koinei ērā:
- E mārama te pānga ki te takere moana
- Te māia o te kai penihīni, te whakapaitanga o te kōpanatanga
- Te māia o te hao, me te whakapaitanga taputapu
- He tahuritanga kē atu i te penihīni.
Ko te rangahau kēhi tuatahi i oti i te taha o tō Moana kaihiika kirimana, i a Mike Terry, mā tāna rangahau me tāna haumi i te mihini me te kōpana hou e whakawhāititia nuitia ai ngā whakapaunga, arā ka iti iho mā te 64,000 rita te whakapaunga penihīni i te tau, ā, ka kaha atu ngā waka — hui katoa ka whāiti iho nga puhanga waro a ngā waka, me te pānga ki te taiao hoki i te taha o ētahi atu mahi kua oti i a ia te whakarite, hei whakamahinga mā ētahi atu kaihiika ki ā rātou pakihi hei whakawhāiti i te puhanga waro.
Rangahau kēhi - Terry Trawling Limited
The first of four case studies for the Harvest Footprint Project aims to identify the economic and environmental benefits from the installation of a new engine and propeller.
Findings include fuel and operational efficiencies and supports the assessment for the reduction in environmental impact from Terry Trawling Limited’s fishing operation, which have the potential for wider applicability across the Moana contract fleet.
Our approach was to research, understand and document the process Mike Terry took to make the changes to his operation. This includes all factors that led to decisions, the cost of implementation and observed efficiency and beneficial outcomes achieved.
.jpg)
Research and analysis
Engine and Propeller Upgrades: Key drivers
Reduce fuel costs with annual savings of $90,000 based on current fuel prices after payback period.
Reduce carbon emissions with significant decrease of emissions through fuel and operational efficiencies.
Reduce maintenance costs on new engine with the added bonus of better local, after-hours support.
Results
Initial investment of $203,000 can be recovered in 2.25 years through fuel savings.
Carbon emission savings from using reduced fuel is equivalent to 272 one-way flights from Auckland to Wellington per year*
*A one-way flight from Auckland to Wellington emits 0.15tC02e of carbon per trip
Terry’s vessel - The atlantic dawn
Contract fisher Mike terry
Building a financial pathway to support Moana fishers
The case study shows that an investment in a new engine and propeller will result in considerable savings with 64,000 litres less fuel burn per annum and improved vessel performance – all of which reduces the vessel’s carbon emissions impact and environmental footprint alongside other measures fishers can implement for their business to reduce their carbon footprint.
Moreover, there is the reasonable recoup period of 2.25 years.
However, in New Zealand’s current economy, the ability for fishing businesses to secure financing from banks or to tap into reserve funds for such an expense is challenging. We hope this demonstrates that investment is not only good for the environment, it’s good for business.
III
of
XI
Ka riro te whakataetae toitū oranga i te kupenga atamai hou a Moana New Zealand, i a FloMo
I te tahuritanga a Moana New Zealand ki te whakawhāiti i ā mātou puhanga waro haonga, i mōhio mātou ko tētahi wāhanga nui o te kōrero ko ō matou kaihiika kirimana, ko te haumitanga hoki o ngā mahinga atamai hei tautoko i ō mātou wawata kia whakamāmātia tā mātou pānga, me te mahi tahi hoki ki tō mātou rāngai me te Kāwanatanga hei whakatutuki i aua wawata.
Kua roa atu i te ngahurutau a Moana New Zealand e tautoko ana, e tautoko ā-pūtea tahi ana i te pakihi hou, i a Precision Seafood Harvesting — ngā kaihanga o FloMo — i whakawhiwhia inā tata nei i te tohu toa tiketike i tētahi whakataetae AgTech ā-tau nā Tesco is whakatairanga, ki runga o Piritānia.
Harvest Footprint project - Moana
Hei tā te Tumuaki o Moana New Zealand, hei tā Steve Tarrant, “E whakahīhī ana mātou i te whai wāhitanga mai i te tīmatanga ki aua taputapu atamai. E mihi hoki ana ahau ki ō mātou kaihiika kirimana nāna mātou i āwhina ki te whakamātau i ngā kupenga hou—kua kite wawe ētahi i te nui o tōna uara, kua tere tahuri i te whakamahi iho, ā, e whakamahi tonu ana. Ko ō mātou kaihiika kirimana ngā mea kaha rawa ki te whakamahi i te taputapu nei e huri ai te rāngai, ā, e mihi ana mātou ki te tira i te toanga nui nei, e rikarika ana te ngākau ki te wāhanga o muri nei, arā te whakatauhokonga o te hangarau nei.”
Ngā whakahouanga kupenga atamai huri noa i te rāngai
Tūtakina mai a Josh Donker rāua ko Glen Curtis, me te rongo anō i ā rāua kōrero mō ngā mahi papai e mahi ana rāua ki Whakatū i te whatunga ā-ringatanga, i te whakatikanga hoki o ngā kupenga.
Play Video
Ka takahurihia ngā kupenga i rukea hei taonga.
Kei te kaha akiaki a Moana i ngā kaihī ika ki te hangarua i ā rātou kupenga mā ngā hōtaka kei te whakahaerehia e Critical.
Play Video
IV
of
XI
Te ine i ngā puhanga waro i muri i te whakawhānuitanga o te haonga ā-tau
Pērā i tā mātou i whakaaro ai, kua nui kē ā mātou puhanga waro i te roanga o te tau pūtea 2024 i ā ngā tau o mua i runga i te tupuranga nui i te wāhanga Ika nā te whakawhānuitanga o tā Moana Haonga ā-Tau e Whakaaetia ana nā te rīhi roroa ki a Sanford i tīmata rā i te 1 o Oketopa 2023.
Ko tēnei te tau tuaono e ine ana a Moana i ngā tukunga haukiri, ā, ahakoa kua piki ngā tukunga katoa i tēnei tau pūtea, he pai te kite kua heke ngā ine kaha (ngā tukunga ia moni whiwhi ia tana o te hanga) nā ngā painga o te whakapaitanga. I roto i te awhe 1 me te 2 (ko ēnei ngā tukunga e āhei ana mātou ki te whakahaere tika), kua heke te kaha mā te 33% i te tau pūtea 2019 me te 15% i te tau pūtea 2023.
E 28,885.40 tCO2e te tapeke o ngā puhanga waro i te TP2024. He pikinga tēnei mā te 23% mai i te TP 2019, ā, he pikinga mā te 33% mai i te tau pūtea o mua nei. Kei roto te nuinga o te tupuranga i roto o Pae 3: kawenga rawa i te runga o te hōngere, ngā rawa me ngā ratonga i hokona, me ngā puhanga e pā ana ki te penihīni.
Pae 1
Ngā puhanga mai i ngā e noho ana ki ngā ringa, ki raro rānei i te mana, o te hinonga pūrongo. Hei tauira, pukuhiko penihīni, whakamahanatanga ki te waro, tō mātou ake tāruru waka, me te ahuwhenua.
Pae 2
Ngā puhanga e ahu mai ana i te hiko i hokona. Hei tauira: te hiko me te hinu.
Pae 3
Ngā puhanga e hua mai ana i ngā mahi a te rōpū pūrongo, e tētahi tangata rānei e pā ana, engari kāore i raro i te mana o te rōpū rā. Hei tauira, ngā rerenga, te kawenga rawa, ngā waka o waho i te kamupene, te para, me ngā ngaromanga hiko i te tohanga a ngā taura hiko me te rerenga mai i te puna.
.png)
V
of
XI
Mukua te waro o te Moana
E aro ana i a Moana New Zealand te hurihanga āhuarangi hei whakamōreareatanga nui rawa i te ao, ā, e tutū ana i a mātou te puehu i te riri nei. E titikaha ana mātou ki te whakakorenga rawatanga o te waro hei te tau 2040.
Whakawhāititanga waro
Mā te papatohu i āta mahia mai rā mā mātou e ine mataora ai mātou i ā mātou puhanga waro puta noa i ō mātou wāhi mahi. Hei reira mātou āhei ai ki te mātai i ngā kōtiutiutanga kia kitea wawetia ai te pānga o ngā panonitanga e mahia ana e mātou, kia kitea rānei te tutukitanga haeretanga o ngā mahere.
E titikaha ana mātou ki te tino whakawhāititanga o ngā puhanga i ngā wāhi katoa e taea ana, ā, i runga i tērā e arotahi ana mātou ki ā mātou puhanga Pae 1, Pae 2 hoki. Ko ētahi ko ēnei:
- Ko te whakahaerenga o tētahi rangahau āheinga mō te kōhua kōhinu mō ā mātou mihini whakahoromata hei taka i ngā kai rite-kia-kainga ki Te Papaioea.
- Ko te whakawhāititanga o te whakamahinga pouaka mātao.
- Ko te whakahaerenga o tētahi rangahau whakahaerenga (he nui nō te rerekē o tā mātou pakihi ināianei nā runga i te whānui kē o te ACE nā te whakaaetanga rīhi roroa o Sanford).
- Ko te whakatewhatewha i te pūngao rā.
Mō ngā puhanga Pae 3, anei ngā mahi:
- Ko te tautoko i ngā kaihiika kia mārama ai ngā huarahi e taea ana hei whakawhāiti i te puhanga waro mā ngā hangarau me ngā whakahouanga aihetanga
- Ko te tirotiro i te kawenga o ā mātou hua ki ngā mākete o tāwāhi. Ko ētahi ko tahuri i te ika katoa ki te hōripi kē mō ā mātou kai rite-kia-kainga, me te āta whakarite i ngā haonga kia pai ai te kawe mā runga kaipuke, kaua mā runga waka rererangi.
VI
of
XI
Whakamahi anō, whakawhāiti iho, whakaaro hou
E āhei ana ā mātou kaimahi ki te whakawhitiwhiti auau i ō rātou whakaaro toitū oranga mā roto i te Tackle Box, he pūnaha ipurangi rāroto i whakaritea hei pūrongo, hei tautoko hoki i ngā kaupapa hauora, kaupapa haumaru, kaupapa toitū oranga hoki huri noa i ngā wāhi mahi.
Ko ētahi o ngā whakaaro e kaha nei te putaputa ake ko te panonitanga o ngā mahi pakihi, ngā hua, ngā ara mahi, ngā mahi ā-ringa rānei.
“I tahuri atu mātou i ngā karapu kirihou, e 200 te roa kia horo ki te rua para, ki ngā karapu pōpopo. Koinei ngā karapu e horo nei te 30% ōna i roto i ngā marama e 7 tuatahi, te 90% ōna i roto i te 1.5 tau, me tōna katoa i roto i te 2 tau ki te rua para.” .
— Te Papaioea Pāua Tūwā me te Kai Ora
“Kua mutu tā mātou whakamahi i te rīpene wharanga i runga pouaka tukurawa. Nā konei i whāiti iho ai te wā me te moni i pau. I te wiki nei, he 142 pouaka ka herea, arā e 340 mita.’
— Tio i Te Tara-o-te-ika
"Ka whakawāteatia ngā taputapu pāmu i tētahi wāhi nui i Te Tara-o-te-ika me Wiri, ā, kua tukuna ki Future Post hei pou taiapa. Ka nui te angitu o te hōtaka hangarua nei hei whakapaipai ō mātou pāmu tio."
— Wiri Tio
‘Kei roto i tā mātou mahere e haere mai nei, mō te tūraru pakihi me te toitū oranga, e takoto ana ngā kaupapa hei tīni i ngā matū whakamātao o roto i ā mātou pouaka tio ki tētahi momo matū pai ake mō te taiao. Ka whakawhāititia e ngā matū e marohitia ana te āheinga whakamahana ao mā te 50-60%.’
— Ika i Rēkohu
"Nā te tāpiritanga o te pūnaha whakahoki waitai ki te mahi pāua, hei tukurua i te tuhene waitai, i penapenaia nuitia ai te pūtea. Ko te tikanga ka tukuna atu te waitai nei ki waho, engari ka tukuruatia e mātou ki roto ki ngā ipu waitai me te aha kua penapenaia tōna 127,000 rita o te wai tae noa mai ki te rangi nei."
— Pāua Tūwā me te Kai Ora ki Te Papaioea
"Nā te tāpiritanga o te pūnaha whakahoki waitai ki te mahi pāua, hei tukurua i te tuhene waitai, i penapenaia nuitia ai te pūtea."
"Kua mutu tā mātou whakamahi ipu kirihou mō ngā tukunga tarāwhare o ngā hua, e pupuri ai mātou i te mana o ngā kawenga mātaotao."
— Wiri Tio
Kua tīmata ētahi ki te kōrerorero ki ngā kaituku rawa, me te whiriwhiri anō i ngā panonitanga mauroa ki te runga o te rārangi kawe rawa:
"Blue Bread Plastic Liners. Ka whiwhi mātou ki tōna 520 ki te 600 tīrongo i ngā wiki e Mahi Paraoa ai mātou. I te wā nei, tukuna ai aua tīrongo ki te rua para, he kore nō ō mātou tukunga mō ērā mea. Ki te tahuri tō mātou kaituku tīrongo ki ngā tīrongo pūata, ka taea ērā e tō mātou kaitukurua. Kua oti i ahau tētahi īmēra te tuku ki te kaituku rawa me te tono nei."
— RTE ki Te Papaioea
Ngā kōrero hou mō Moana me te hinonga mahinga tahi Kai Ika
I roto i ngā tau, kua tū ko Moana hei kaituku tauhokohoko nui o ngā pane ika me ngā tuaiwi hoki ki te Hinonga Kai Ika, i whakawhānui rā i āna mahi ki Te Whanganui-a-Tara i tērā tau.
I te TP2024 anake, ka nuku atu i te 5 tāna te nui o te kaimoana i takohaina e Moana ki te rōpū nei, ka tohaina ai ki ngā hapori. E tautoko tonu ana mātou i te kaupapa nei hei whakaū ka whai wāhi te marea ki te kai ora.
VII
of
XI
Ka tīmata he wāhanga hou i te whakatuwheratanga o te Pokapū Kaimoana o Te Whanganui-a-Tara
Ko te whare hou o Moana New Zealand me Port Nicholson Fisheries he haumitanga rautaki hei tautoko i te whakawhānuitanga me te tupuranga mō te pakihi, hei tautoko i ngā haonga Ika nui kē e ahu mai ana i ngā Whakaaetanga Haonga ā-Tau a Sanford i hokonga i te tōmuritanga o te tau 2023, ā, hei whakapakari, hei tautoko hoki i ngā whanaketanga ki te rohe o Te Upoko-o-te-ika. Kua oti i a Ika me Pāua Tūwā (ko ētahi wāhanga matua e rua o Moana New Zealand) ā rāua mahinga te whakakotahi, ā, e mahi tahi ana ki a Port Nicholson Fisheries ki te wāhi mahi o Todd Park ki Porirua, he mea hanga kia ea ai ngā hiahia o ngā pakihi e rua nei.
Ka whakaūngia e te whare hou nei ka tutuki ngā hiahia ki te ikawhaitira, te pāua tūwā me te kōura. Hei reira hoki whai āheinga ai ki te whakawhānui i ngā tukunga rawa ki tāwāhi, me ngā tūranga mahi pūmau ki te rohe hei roto i ngā tau. Mā reira e tatu atu ai ngā kaimoana kounga, pēnei me te kahawai, te rāwaru, te kōura me te pāua, ki ngā mākete hou o te ao, me ngā mākete o nāianei. Nā te haumitanga ngātahi nei i tū ai te whare mahiika tautoko nei i hangaia kia pai ai te tuputupu, kia tautoko atu ai hoki i ngā mahinga ika a te whare matua o Moana me PNF ki Tāmaki Makarau.
He motuhake te tauira pakihi e whakamahi ai mātou, arā ka mahi tahi ki ō mātou whakauru, ngā kaihiika o te takiwā me te rohe whānui, me ngā pakihi hoki, kia haumitia ai ngā hanganga e nui atu ai te pai mō ō mātou kaipupuri, arā mō ngā iwi. Ka kore ā mātou rawa e taea te hoko atu — ka kimi tonu atu mātou i ngā huarahi hei whakawhānui i ngā painga.
Steve Tarrant, Chief Executive Officer
VIII
of
XI
Kua tata oti te hōtaka whakawhitianga tio
Photo journey of the latest progress
1. Unuhia ngā hanganga pāmu o mua.
2. Tata oti te whakaurunga o ngā hanganga pāmu whakaaunoa.
3. Whakatuwheratia te paonga hou, Kirikiritātangi, ki Whakatū, Noema 2023.
4. Hokona haumitia tōna 40+ heketea o te wāhi wai hou.
5. Whakapaitia ngā tikanga mahi i runga pāmu, me te hōtaka āta tāmoe hua.
6. Whakawhānuitia anō ngā rāngai o runga pāmu i muri mai i ngā huarere kikino.
IX
of
XI
He wāhi whakahihiko
Ko te whakahouanga me te whakapaitanga he wāhanga tūturu o te whakarite i ō mātou whare kia pai ai mō ngā mahi. He wā tōna e whakaurua ai e ā mātou kaimahi i ō rātou mauri ki te wāhi mahi kia hangareka noa ai. Kei te pāmu tio ki Te Tara-o-te-ika, i oti ētahi whakahouanga iti ki te rūma kaimahi i te taha o te wharau. Nā runga i ōna pūkenga toi me tōna auahatanga, i oti i a Tiana Smallfield tētahi kōwaiwai nunui, he mea whakaaweawe nā tōna wāhi mahi, ā, ka noho ko tāna hoamahi, ko Dave Wood, hei “kaiwhakakarakara” hei āwhina ia a Tiana ki te whakaoti i te hinonga rerehua nei.
Tiana Smallfield and Dave Wood show off the new mural
Staff room mural at coromandel tio farm
X
of
XI
E whakatinana ana i te kaitiakitanga ki ā mātou mahi katoa
Ka pau te kaha o ā mātou kaimahi ki te whakatinana i ō mātou uara, me te tū hei ‘hunga pai’ hei tautoko i te hauora o ō mātou hapori, o te taiao hoki.
I huihui tahi te tira o Maungarei me ētahi whānau ki te one ki Kohimarama hei kohikohi para i te Rā Moana o te Ao, Hatarei te 8 o Hune, ā, ka kaikai i te ika me te rīwai i muri mai.
Ka kaha ngā kaimahi i Te Papaioea ki te tautoko i te whakapaitanga ā-tau o te awa o Kawau, ka mahi tahi ai ki te iwi o te rohe, ki a Rangitāne o Manawatū me te Kaunihera o Te Papaioea. Ka whai te kaupapa ā-hapori ki te whakahoki i te mauri o ngā terenga wai, ā, ko te para kirihou tētahi āwangawanga nui. I roto i tētahi rā whakapaipai, ka nuku atu i te 166 kirokaramu o te para i kohia e tō mātou tira.
XI
of
XI
Wāhanga o Sealord
He tau whakahirahira tēnei mō te Kāhui o Sealord, i te hokonga o Independent Fisheries Ltd, te whakawhāititanga nui o te haonga kekeno tē hiahiatia ai, me te huringa ki te wairākau tupu i hangaia ki te hoanga ika tē hiahiatia ai.
I te hokonga o Independent Fisheries Ltd, kua noho a Sealord hei kamupene kaimoana nui katoa o Aotearoa.
I te Pepuere, i hoko a Sealord i a Independent Fisheries (IFL), te kamupene hiika noho-kōpua tuawhā nei tōna nui i Aotearoa.
E ai ki te Tumuaki, ki a Doug Paulin, he āheinga kotahi tēnei i te whakatupuranga nei mō Sealord, he onge nō te putanga o ēnei momo pakihi i te rāngai mahiika.
“Ahakoa te uaua i te taha pūtea, he kamupene hiika angitu rawa a IFL, ā, ko te hokonga nei he āheinga e kore e taea te karo. Ka whāia tētahi tauira pakihi angiangi rawa me ōna utu mahi māmā, me te aha ka eke panuku ahakoa ngā tau tū puhi ā putea nei,” hei tāna.
E waru marama i muri mai i te hokonga, e mārama ana te kitea he tika te whakatau ki te hoko i a IFL.
“Kua pupuri mātou i ōna tāngata manawa ū, e hia ngahurutau ētahi o rātou a mahi ana i reira. He tau tōnui te tau ki a IFL, ā, he nui kē atu ngā painga ā-pūtea a te kotahitanga nei kei roto i te tuhinga hokonga pakihi e takoto ana, tēnā i ērā i tautuhia.”
He tau tōnui te tau ki a IFL, ā, he nui kē atu ngā painga ā-pūtea a te kotahitanga nei kei roto i te tuhinga hokonga pakihi e takoto ana, tēnā i ērā i tautuhia.
Independent Fisheries’ vessel Mainstream
E arotahi tonu ana ki ngā mahi whakahaere e mauri ora tonu ai mō Sealord
E noho tonu ana hei aronga nui mō Sealord ko te tiaki i ngā ika ā-tai me ō mātou rāngai ika, ā, ko ētahi ekenga nui i te TP24 ko te whakawhāiti i te haonga kekena tē hiahiatia ai, me te āta tiaki i ngā rāngai patohe karaka.
I angitu tā Sealord whakawhāiti i te hopukanga kekeno mā te kotahi hautoru i te tau nei mā te whakamahinga o ētahi mahi atamai hou pēnei me te whītiki kupenga, te noho puku i ngā wā e korikori nui ai te kekeno, me te whakamahi taputapu pare kekeno. E ai ki ngā whika, e 49 ngā kekeno i mau i te tau ika 2023/24, he hekenga mai i te 68 i te tau 2022/23 me te 78 i te tau 2021/22.
I huri te whakawhāititanga haonga kekeno tē hihitia ai hei aronga rautaki mō Sealord i muri mai i te whakawhānuitanga nunui o te pāpori o te kararehe taimoana nei e tiakina ā-turetia ana. E uaua haere ana te pare kekeno mō ngā kāpene, nā reira ka nui te mahi e mahia ana hei rangahau i ngā mahi hei whakawhāiti i ngā haonga.
Na, i tāpae kōrero a Sealord hei tautoko i tā te Kāwanatanga whakawhāiti i te whakaaetanga haonga patohe karaka mā te 57% mō te Challenger Plateau. Ka pāngia nuitia e te whakatau nei ko Sealord, te kaipupuri nunui o te mahinga ika nei, heoi anō ka nui atu te ika ki te moana i te rangi nei, ka mauri ora ngā rāngai āpōpō, ka āhei hoki ki te tuputupu tonu.
Orange roughy
Tū mārō a Sealord ki te mākete wairākau tupu
Ka uru a Sealord ki te mākete wairākau mahih whenua, $100 miriona te nui, me tētahi wairākau waiwai i hangaia ki te parapara e ahu mai ana i te hanganga o te puehu kiko-ika.
Ko te whāinga o te āheinga whanaketanga pakihi mō Sealord ko te whai hua i ngā parapara — hei reira whai hua ai te taiao tahi me ngā hua ōhanga.
Ka oti ngā tau e rua o te rangahau, te whanaketanga me te whakamātauranga, kua tau ōkawa atu a Sealord Naked ki nga whata o Mitre 10, te Warewhare me te ipurangi ki www.sealordnaked.com
The Sealord team involved in the development of Naked in our fishmeal plant: From left: Stu Yorston (GM Business Development & Sustainability), Graeme Blincoe (By-products supervisor), Danny Sheridan (Business Development Manager) and Daniela Stringer (Innovation Manager).
next
Hāngai ki te ūkaipō