All previous reports can be found at moana.co.nz
Kua rongo ngā kāinga o te motu, o tua atu hoki, i te koa me te ora i ngā kai rite-kia-kainga a Moana New Zealand.
Ko te tau nei te tau maramataka katoa tuatahi i hoko ai mātou i ā mātou kai mātao Kai Ora i ngā toa hokomaha o Aotearoa, ā, ka nui te hiamo o te tinana i ētahi o ngā kōrero papai i hoki mai i ō mātou kiritaki.
E pukumahi ana mātou i te tau nei ki te taka, ki te whakamātau i ngā tāwara hou, ngā tāwara toa.
KAWAKAWA, TOMATO & TAGINE HEIHEI
E rikarika ana te ngākau ki te pānui i te urunga o ētahi tāwara hou e whā ki te rārangi kai rite-ana, e wātea ana kia hokona ki te pae tukutuku a Moana, ki ētahi o ngā toa hoki o FreshChoice me New World ki Te Wai Pounamu.
Ko te kīnaki pai o te kai raihi nei ko te huamata matomato, ko ngā pī kākāriki me te pūpihi rānei. Whakamahanatia, ka horaina ai me te tīhi Paremesan i warua, me ngā poro rēmana matomato.
He taopaka heihei ngohengohe me ngā tāwara pua o te kawakawa me ngā rau kikini hoki. Ko te kīnaki pai o te piringa kai nei ko ngā hūkīni i whakamamaoatia, te pūpihi parai, ko tāu tino tākai parāoa rānei. Whakawerangia, ka horaina ai me te rīki koanga me ngā rau mata o te pāhiri.
He māmā te tāwara rau kikini o te hirikakā, te kawa o ngā paramu i tupu i Aotearoa, me te mīti kau o Aotearoa i tupu i te pātītī. Ko kīnaki pai o te tiu nei i āta taona ko te kihu hēki, ko te kihu soba, ko tāu tino tākai parāoa rānei. Whakawerangia, ka horaina ai me te rīki koanga motumotu me ngā rau hīoi mata.
He poro rēme ngohengohe i āta taona me te hīoi me te rēmana. Ko te kīnaki pai o te tiu nei ko te rīwai tunu, te rīwai parauri, ngā kihu parāoa, te raihi, tāu tino tākai parāoa rānei. Whakawerangia, ka horaina ai me te rīki koanga motumotu rikiriki me ngā rau hīoi.
Hāmana Kirīmi, Rēmana, Raihi Itariana Rēmana & Rau Otaota
“Kāore au mō te hoko kai rite-kia-kainga engari ka hoko pea au i ēnei mō ngā tina horo, inā hoki i te takurua. He pai rawa ki ahau te tāwara kaha o te kai nei. He pai hoki te āheinga ki te whakamōmona i te tāpiritanga o ētahi atu kai.”
“He tāwara reka, he kano pai i nui ai te kai me ngā huawhenua i tāpiritia.”
Rēme & Wairanu Hīoi Rēmana
“He hūnene, he pārekareka i te taha o te parāoa rimurapa. Kāore mātou mō te hoko kai rite-kē, engari ina ka pērā, ka hiahia ki tētahi mea tere, ka tino hoko anō au i tēnei.”
“He tāwara whakamīharo, kua hoko au i ētahi atu tāwara e toru hei whakamātau! Ka rawe.”
Ko te Zacmi he mihini whakapōwhā hurihuri, he whakaihuwaka, kei roto ko ngā mea katoa mō taua mahi, ā, e taea ana ko ngā pōwhā ahakoa te rahi, he tere ake hoki i ngā mihini rahinga kotahi e rīwhitia ana e ia.
E āraitia katoatia ana, he aukati aunoa i te tuwheratanga o ngā kūaha, ā, ka tutuki ngā herenga whānui katoa o te haumarutanga mihini e takoto ana i roto i te pukapuka whakamahi a Te Mana Tautikanga o Aotearoa.
Ka whakawhānui te mihini hou nei i tō mātou āheinga i ngā rahinga e rua o ngā pōwhā, arā e whā ngā rahinga arowhānui e taea ana, kaua ko te rua o te mihini tawhito, ā, he huhua ngā teiteitanga pōwhā arowhānui a te ūmanga e taea ana. Kua whakatūria hoki ki tōna ake rūma kia pai ai te mahi mai i ngā hua pōwhā nō te hōro RKK, ā, ka kaha mātou ki te whai i ētahi atu huarahi mō te kai pōwhā. I mahia mai e ngā mihini tawhito i rīwhitia ko te pāua anake, ā, i aukati te HWT o te whare i te mahinga mai o ētahi atu kai i tua atu i te pāua ki runga i ngā mihini tawhito.
He nui te whānau Tio o Moana New Zealand i hui tahi mō te kawanga o Ngā Rua Taipari ki Pārengarenga i te taha o Tangaroa Marine, ngā kaihanga o te pāti hou.
I tētahi wāhi o te hinonga Tio Transformation, ka mate a Moana ki te haumi i ētahi pāti hou kia pai ai te huripokinga o ngā pākete o runga i ō mātou pāmu. I whakapuaki rā ā mātou manuhiri, ko ngā kaumātua o te iwi mana whenua o te rohe, i tō rātou koa i ngā waka hou, e ngāwari ake ai ngā mahi a ngā kaimahi.
Kua oti i a Moana New Zealand tētahi papa pūhera e rua-kirokerēme te taki mā Bidfood anake, ngā kaihoko waenga nui rawa o te ratonga kai katoa i Aotearoa, hei tuku ki ō rātou whare tohatoha katoa i Te Ika Tapu a Māui, hāunga i Te Whanganui-a-Tara.
I te wā nei e mahia ana ngā tono whare rau ki ō mātou mahinga tīpako pō hou, i whakatūria mai i runga i te tauhokonga o Sanford. Ko te tono a Bidfood i te wā nei ko te rua tāna o te pūhera hōripi i te wiki, engari e whakaaro ana mātou ka piki tēnei ki te toru tāna i te wiki i roto i ngā marama o te raumati, he nui atu te hiahiatia i taua wā. Waihoki, e kaingākau haere ana ngā peka o Bidfood ki Te Wai Pounamu ki ēnei hua, ā, ka whai wāhi pea te Kaimoana Hub ki Te Whanganui-a-Tara ki te whakatutuki i tērā.
He tino pai rawa ngā kōrero i hokihoki mai i ngā kaiwhakahaere o Bidfood me ngā kaiwhakahaere whare, mō te kounga me ngā ratonga a te tira tarāwhare me te tira mahiika.