All previous reports can be found at moana.co.nz
KIA ARONGIA: KO NGĀ ROHE PŌTI KEI RUNGA NEI E RĀRANGI ANA HE RITE KI ĒRĀ KEI TE TURE MAHINGA IKA MĀORI
He wāhanga pū te Hauora me te Haumarutanga o ā mātou mahi katoa i Moana New Zealand kia mahi ai ō mātou tāngata i ā rātou mahi ki tētahi wāhi mahi ora, haumaru hoki. Ka akiakina ō mātou kaimahi ki te whakawhitiwhiti whakaaro, whakapaitanga hoki kia maru rawa ai tō mātou wāhi mahi ināianei, ā muri nei hoki.
Ahakoa te tūranga, ka noho haepapa te tangata ki tōna ake haumarutanga, me te haumarutanga o ngā wāhi katoa kei raro i tōna mana, ā, he mea nui te kakama o te mahi i ngā take hauora, take haumarutanga ki Moana. Ka akiaki mātou i ngā kaimahi katoa ki te kōrero nui: “he take kitea, he take kōrerohia”. Ka āwhina hoki ki te taki i tēnei ki ngā huinga auau, ngā whakangungu, me tā mātou pūnaha ipurangi mō te hauora me te haumarutanga, me te Tackle Box, e taea ana te uta ki runga rawa harihari kia māmā ai te pūrongo. Hui katoa, kei tōna 800 ngā mātaitanga haumarutanga: 190 ngā mātairanga tūraru nui (kei roto ko tā mātou aronga mahi ki tūnga teitei, te tiakanga, me te tūtakitanga tangata/mihini), ā, e 210 ngā mātairanga aronga tūraru (kei roto ko ngā pāhekenga, ngā hīrautanga waewae, ngā motunga, ngā titinga, me te pā a te ringa).
He mea nui ki a Moana New Zealand te kanohi kitea o ngā kaiārahi me tā rātou whaiwāhitanga ki ngā kaupapa hauora, haumarutanga hoki. I te tau nei, nuku atu i te 570 ngā whaiwāhitanga o ngā kaiārahi o Moana ki ngā mahi Hauora me te Haumarutanga. Waihoki, e 25 ngā toronga takitahi a ngā Tumu mō te hauora me te haumarutanga te take i te tau nei. He auau te toronga a ngā Tumu ki ngā wāhi mahi, matua rā hei āwhina i te Ohu ki te whakatutuki i ōna herenga ki te whakaū ka māia tā te kamupene takitaki i ngā kaupapa hauora, haumarutanga hoki.
MAVIS MULLINS (LEFT) VISITS PĀUA KAHURANGI FARM IN RUAKĀKĀ
MAVIS MULLINS (LEFT) AND RANGIMARIE HUNIA (RIGHT) VISIT PĀUA AND IKA FACILITIES IN WELLINGTON. PICTURED WITH RICHARD EVANS (CENTRE LEFT) AND KANON NOBLE (CENTRE RIGHT).
Inihua hauora koreutu mō ngā kaimahi pūmau katoa
Ki a Moana, he kaupapa nui te manaakitanga o ō mātou tāngata. Mai i te 1 o Hūrae, e whakahīhī ana mātou ki te tuku inihua hauora koreutu ki ngā kaimahi pūmau katoa mai i UniMed, he hauora ā-motu e tuku ratonga hauora e āta whakaritea mō te kiritaki, ā, ko tōna tohungatanga ko ngā mahere hauora urutau mō ngā wāhi mahi.
Mā konei ō tātou kaimahi, ō rātou whānau hoki, e whai wāhi nui ai ki te atawhai me te tautoko o te oranga me te hauora i te wā e tino hiahiatia ai.
I te tīmatanga o te kaupapa, e 82% o ō mātou kaimahi i āhei ai i rēhita mō te inihua hauora koreutu, me ngā toronga Tākuta koreutu e toru i te tau. He inihua hauora kē ā ētahi o ō mātou kaimahi, ā, kua whakatau ki te noho ki o rātou ake ratonga hauora.
E tuku tonu ana mātou i te hararei rā whānau, me te utu kaimahi tonu, ki ngā kaimahi pūmau, kaimahi tū poto hoki e noho ana ki Moana mō te ono marama, nuku atu rānei.
I te Akuhata 2022, ka whakarewaina e Moana he hōtaka whakangungu rāroto me ōna āheinga hou kia ako ō mātou tāngata i ngā pūkenga, kia whakawhanake hoki i ō rātou āheinga, ara mahi hoki.
E toru ngā aronga matua o te hōtaka: te whakatupu pūmanawa, te whakawhānui āheinga ā-ahurea, me te tautoko kaiārahi. Kei te wāhanga tuatahi ko te whakarite taima, te whakarongo pīkari, te whakahaere hui pai, me te hiringa i te mahara. I wātea aua wānanga ki ngā kaimahi katoa huri noa i Moana, ā-tinana mai, ā-ipurangi mai. Ka whakawhiwhia ki ngā tāngata katoa te tiwhikete ekenga, me te mauhanga o ō rātou akoranga.
I te tau nei, ka tukuna te wānanga tuarua kia whai wāhi ai te whakaute, te whakatau puehu, te īmēra, me ngā pūkenga tuhinga pakihi. Kua oti hoki i a mātou he mauhanga o ngā akoranga me ngā ekenga kia tukuna ai he mauhanga tōtika, he tohu hoki o ngā wānanga whakangungu i oti, mō tēnā kaimahi, mō tēnā kaimahi.
Te wānanga i paitia nuitia
Kua tokomaha atu ngā kaimahi i whai wāhi rā ki ā mātou wānanga whakangungu, kua nui atu hoki ngā āheinga i wātea rā ki ngā kaimahi o Moana.
Workplace Respect
“Nā ēnei whakangungu ahau i whakaaro ai ki āku kōrero.”
“Ka kite au i ahau anō i runga rā, me panoni au.”
“Kia ora. He taituarā tēnei mō tāku e ngana nei ki te ako ki tōku tīma.”
“E koa ana ahau i kawe mai a Moana i ēnei akoranga ki a mātou, he mea nui, he nui tāku i ako ao.”
“I pai ki aku taringa te kōrero, ‘Me he mea nui ki a koe, he mea nui ki a mātou.’ Hei reira au whakapono ai ka āta whakaarohia ngā āhuatanga ā muri nei.”
E ono ngā wānanga hou i tukuna e IST i te tau nei mō ngā kaimahi katoa e hiahia ana kia pai atu te mahinga o ā rātou īmēra, wātaka, ētahi atu ratonga hoki a Microsoft 365.
I whakaritea ngā kōrero kia māmā noa ai te whai, kia reka ai ki te hunga nui, kia āwhina ai hoki ki te whakapaipai i te rere o ngā mahi, me te whakakaha i ngā tāngata takitahi kia hou ai te tirohanga ki ā rātou mahi, kia kawea ai ō rātou haepapa mahi i runga i te māia.
Koinei ngā kōrero a ngā kaimahi:
“He māmā hoki taku ako i te Outlook, he āwhina nui te māramatanga ki ngā tīwhiri me ngā nuka nei!”
"He poto te wā i pau ki te whai i ngā akoranga, i te taha o te wā i papu me te māia o āku mahi i te wā nei, he whakamīharo–ā, e haere tonu ana."
“Nā ngā huarahi māmā ki te whakaoti mahi, tae atu ki ngā āhuatanga kāore au i mōhio kei roto o Outlook, i pai ake ai taku āheinga ki te mahi i āku mahi, i whāiti ake ai hoki te pōkaikaha me te hōhā.”
E 45 ngā ākonga hou i te tau nei i runga o EP Online Te Reo Māori. O roto i ngā kaimahi i karangahia, he 42% i rēhita, i uru atu hoki. E whakatere ana mātou i tētahi whatinga hou o te hōtaka, he paku rerekē te marautanga me te roa o te wā kia oti ai.
He kaiwhakatairanga whakahīhī a Moana New Zealand i Te Matatini i te tau nei, i tū ki Tāmaki Makaurau. I hora i a Moana he kaimoana i ngā rā o te huinga, ka whāngai i ngā kaimātaki kapahaka me ngā kaihaka hoki. Tēnei a Moana ka mihi ki ngā toa nui o te tauwhāinga, ki Te Kapa Haka o Te Whānau a Apanui, me ngā tāngata katoa i tū.
Ka hoatu a Moana i te tio mata me te ika ki Te Whakatōhea Iwi i huihui rā ki te whakanui i te taumata nui, arā te Whakataunga. I te roanga o ngā rā e rua, ka whakanui te hapori i te tīmatanga o te rangi hou mō Te Whakatōhea, me te whakataunga nunui, me ngā puretumu ā-ahurea, ā-tauhoko hoki.
Nā Ruapōtaka Marae te Rua-pātaka i tīmata, he toa hokomaha ā-hapori i runga marae, ā, nuku atu i te 100 tāngata i whiwhi kai koreutu, taputapu hoki mō te kāinga. E whakahīhī ana a Moana ki te tautoko i te kaupapa, ka whakaritea tētahi atu koha nā Sealord, he harore rangitahi, hei āwhina ki te whakatakatū i te toa hokomaha me tētahi rārangi pai o ngā kaimoana me ngā kai rite-kia-kainga.
I te tōmuatanga o te tau nei, ka whakatū Te Kura Kaupapa Māori o Te Waiū o Ngāti Porou i te hui whakanui i te Rākau Whakamarumaru Hapori ki Uepōhatu Marae ki Ruatōrea, whakateraki mai i Tūranga. Ka tuku kaimoana a Moana ki te hui hei tautoko i ngā mahi papai a Te Rākau Whakamarumaru i te whatinga mai o ngā huripara.
Whakaoranga waka ki Te Tara o te Ika
I Moana, e wawata ana mātou ki te tuku āheinga ki te rangatahi kia ako kōrero mō tō mātou ūmanga. I pōhiritia e mātou he rōpū rangatahi kaikā nō Ngāti Koata ki Kirikiritatangi, tō mātou paonga ki Whakatū. I pā ō rātou ake ringa ki ngā mahi whakaputa tio i te roanga o ētahi wiki torutoru.
Ngā akoranga a te mātauranga Global Fisheries nei, a Monique Holmes, mai i Hapani
I te tōmuatanga o te tau nei i hoki anō ai a Monique Holmes (Te Āti Awa ki Kāpiti and Ngāti Toa Rangatira) ki Aotearoa mai i tāna aherenga karahipi e rima marama te roa. Ko ia te tuangahuru mā rima o ngā kaiwhiwhi o te karahipi nei, ā, kua huri hei māngai whaitake mō Aotearoa me te ūmanga kaimoana.
Ko Monique te tuangahuru mā rima o te karahipi nei, e tuitui anō ai Te Ohu Kaimoana me Moana i te whakahoanga, me te kī taurangi hoki kia haere tonu te karahipi tahi me Nissui i te tau i muri mai i te Kōwheori. I Hāpani, i whai wāhi motuhake a Monique ki te kauwhau ki te Mīhana o Aotearoa ki Tokyo. I whai wāhi hoki ia ki ngā kōrero tauhoko ā-ao i te taha o te Minita Aorere o Aotearoa, o Nanaia Mahuta, i tāna toronga i te Pepuere ki te whakatairanga i ngā āheinga ki te whakatupu tonu i ngā āheinga tauhoko, ā-ahurea hoki mō te iwi Māori. He wheakoranga whakahirahira tēnei mō Monique.
“Ka nui te pai o taku whai i te hōtaka karahipi a Global Fisheries. I whai wāhi au ki ngā akoranga mō ngā mea hou maha mai i ngā tāngata e remururu ana i ā rātou mahi. He kamupene atamai a Nissui e whakaputa hua kounga ana…. Nā te wheakoranga nei i huri katoa ai tōku ao.”
Ka toro mai ki Moana ko te ihu puta o Te Pae Tawhiti, a Kayla Martin
He reka ki a mātou te kite i ō mātou ihu puta e eke panuku ana. Inā tata nei toro atu ai a Kayla ki te wheketere o Maungarei i te taha o tētahi rāngai hou o Te Ohu Kaimoana. E hiamo ana a Kayla ki te piri ki te kāhui o te toitūranga mauri o te moana me te taiao.
“Inā tata noa nei au i piri ai ki te tīma o Te Ohu Kaimoana, hei kaimahi kaupapa here moana hou rawa e kōkiri ana i te kaupapa toitūranga mauri moana! He mahi tēnei e kore rā ahau e whai iho ki te kore te tautoko me te aroha o te tīma o Moana! Kāti ka nui te mihi ki a Moana i te tautoko mai ki te toro, ki te tupu ki roto i te ūmanga.
Ka mutu ngā akoranga, me te tautoko nunui a te karahipi Te Pae Tawhiti me te whānau o Moana, kua tino titikaha au ki ōku wawata mō te taiao, tērā te tuaritia rā ki a koutou.”
Kayla Martin:
Kia Ora, I’m Kayla. I am a mum of three based in the Wanganui region.
I whakapapa back to the Rangitīkei awa and I am a Te Pae Tawhiti Scholarship alumni. And it was really interesting to me to understand the connection between whenua and moana.
And so, I really was passionate about bringing that ‘ki uta, ki tai’ approach back to my iwi and hapū. And given that fisheries is such a big focus for my iwi and hapū, I really wanted to entrench myself in the industry so I could take that mātauranga back to my iwi and hapū at some later date for my tamariki and mokopuna.
Behind the scenes, I’ve actually been a little bit of a champion for the Te Pae Tawhiti Scholarship at a regional level. I’ve been sending the links out to my whanau, hapu, and iwi, that I know are going to be moving towards a career in the sector or potentially looking at studying in this particular area. And also, I’ve been sending it to all my university cohort friends as well.
E mihia ai te eke panuku, te eke tangaroa a te iwi Māori ki tō tātou wāhi mahi
— Ngāpuhi, Ngāti Whātua
I kopoua ake a Jeanna Mikkelsen ki te tūranga Kaiwhakahaere Take Tarāwhare, Take Whanaketanga, i runga i te Arotake a te Tira Tauhoko Ika i muri mai i te hokonga o Sanford.
— Ngāpuhi
Ināianei ko Alana Pere tētahi Kaiārahi Tira ki te pāmu Pāua Kahurangi ki Ruakākā.
— Ngati Porou
Kua kopoua ake a Rihari Huriwai hei Kaimātai ki te Rēkohu mō te Tira Ika.
Anchor Me/Ignite – te pokapū hauora hou o Moana’s
E titikaha ana a Moana ki te hauora o ō mātou kaimahi, nā reira mātou i whakatere ai i te ratonga ā-ipurangi hou, ko ‘Anchor Me’ nā Ignite Aotearoa hei tautoko i ō mātou kaimahi, ō rātou whānau hoki kia kaua e piki noa iho te ora, engari kē ia kia ukauka te ora. Take tangata mai, take whānau mai, take mahi mai, ko Anchor Me he kaupapa tautoko kaimahi me āna whatunga tautoko huhua mō ngā kaimahi me ō rātou whānau pēnei me ēnei:
Ko te Kaiwhakahaere Whanaketanga Pakihi ā-Ao, RKK, ko Nicola Frampton, i runga i tāna pahikara mō “Moving April” i korikori ai ngā kaimahi hei whakapiki i te oranga me te hauora.
I pārekareka ki te tīma o Whakatū te hākari i te Rā Hāte Māwhero hei whakanui i te aroha me te hūmārie.
Ahakoa i wātea mai a Anchor Me mō tētahi wāhi o 2023, e aroturuki kē ana ētahi i ō rātou hauora.
Hikoi ki te Ora
Kua tautoko tō mātou tira toa huri noa i te motu i tētahi kaupapa ā-marama hei tautoko i ngā kaupapa hauora mō ō mātou kaimahi, mā rātou hoki. Ko tētahi o ngā ekenga i te tau nei i puta i te Wiki Hauora Hinengaro–he huhua ngā wāhi mahi huri i te pakihi e whakakotahi ana, ā, ka pau te kaha ki te whakaatu i tā rātou hāpai i te hauora hinengaro hei kaupapa nui ki te wāhi mahi, ki te kāinga hoki.
Ko Gia Mose, te maero māwhero, te toa kākahu ki tō mātou wheketere tio ki Wiri mō te Rā Hāte Māwhero.
Ka uru te tira pō o Maungarei i te kaupapa māwhero hei tautoko i mōhiotanga ki te mate pukupuku ū.
I whai hoki ō mātou tīma i te wairua whakawhānui mōhiotanga ki ngā kaupapa mate pukupuku ū, ka mau kākahu māwhero, ka whakarākei hoki i ētahi whare maha ki te māwhero. Nā ngā koha kapa koura a ō mātou kaimahi i tautoko te Breast Cancer Foundation NZ, te āwhina ā-pūtea nei i ētahi rautaki matua e toru: te mōhiotanga me te mātauranga, te tautoko mō te hunga e pāngia ana, me ngā wāhanga o te rangahau me te rongoa.
Kua eke te 20 tau me te 35 tau ki Moana
E 35 tau
E 35 tau a Craig Corkran e mahia ana mō Moana. Ka noho haepapa ia mō te Whai Ture me te Kounga ki Te Papaioea. I tīmata ia ki te tūranga harangotengote mō tētahi hinonga motuhake, ā, ka noho tonu ki te kamupene. E tino pai ana a Craig ki tāna mahi, ka kī ake, “He tangata, he tangata, he tangata,” e pakari tonu ai ia.
E 35 tau
I tīmata a Mavis hei kaimahi whakapiri tohu, ā, kua oti i a ia ngā mahi katoa o te Whakaputanga me te Whare Rokiroki ki Te Papaioea. Koia te kaiwhakahuataki, ā, ka rata ki ngā tāngata katoa. He mōhiotanga ōna ki ngā mea taka kai pēnei me te chow chow me te hukahuka, tae atu ki te rārangi mohoa o ngā kai rite-kia-kainga me te pāua. Tēnei te tīma te mihi nei ki ōna tau e 35 i roto i te whānau o Moana i tēnei tau.
E 20 tau
He nui kē atu a Andy i te hoa mahi ki te hunga i mahi i tōna taha i ēnei tau e 20 ki Te Whanganui-a-Tara. He rangatira tautoko, he hoa tino pai hoki ki te marea i roto i te wā. Kua oti i a Andy ētahi tīma huhua te arataki, ā, ko tōna titikaha ki te hua kounga, ki te ratonga hoki tētahi o ngā take nui o tō mātou angitu. Tēnei mātou te mihi nei ki a Andy i te ekenga o tēnei taumata tiketike.
E 30 tau
I te tau nei ka eke te tau 30 o Jenny ki tō mātou taha, ki Maungarei. I roto i ngā tau, i whakarekareka i ngā mahi rerekē, ā, e mōhio ana ki te hī me te hā o te wheketere. Hei kaiārahi tīma mō ngā hua whiwhi whakaroto, he taonga tōna rangimārie me tōna mauritau ki te katoa o te tīma.
E 20 tau
Ko Kovi, e mōhio whānuitia nei ia, he hunga pukumahi, he hunga manawaū e whakapau ana i tōna kaha ki Wiri. Kua kite ōna hoa mahi i a ia e tupu ana, ā-ngāiotanga mai, ā-tangata mai, ā, kua huri hei tuawahine mōna i roto i ngā tau. He “whakamīharo” tō Kovi mātāponon mahi, ā, he whakahihiko tōna titikaha ki te hiranga.
Kua eke te 10 tau me te 15 tau ki Moana
Paul Beardsell 15 TAU
Antonios Focas 15 TAU
Richard Piesocki 15 TAU
Michael Serci 15 TAU
Dave Vickers 10 TAU
Gerrin Taiaroa 10 TAU
Ryan Lanauze 10 TAU
Lynette Chettleburg 10 TAU
Michelle McConnon 10 TAU
Peni Koro 10 TAU
David Cossey 10 TAU
Fia Amosa 10 TAU
John Fakatala 10 TAU
Sione Fou 10 TAU
Lavinia Hopoate 10 TAU
Ray Kearns 10 TAU
Jade Kimitaunga 10 TAU
Vili Malele 10 TAU
Malti Malni 10 TAU
Anita Ngatai 10 TAU
Peter (Gypsy) Rameka 10 TAU
Anastasia Siauini 10 TAU
Veni Talauega 10 TAU
Sila Tuialii 10 TAU
Ray Tuineau 10 TAU
Laeli Tuisaoai 10 TAU
Ngawati Turipa 10 TAU
Alicia Edwards 10 TAU
Leroy Apiata 10 TAU
Ka piri mai a Pete Grierson ki te tira Tio o Moana
I tīmata a Pete Grierson ki Moana i te 25 o Hepetema i te tau nei hei Kaiwhakahaere Hinonga Pāmu, Hinonga motuhake hoki, kei Te Tara o te Ika e tau ana.
He kaitautoko matua a Pete ki te whanaketanga me te whakaputanga o te FlipFarm Systems ki te ao, ā, he piringa mātanga ki te tīma me ōna wheakoranga tau nui i te ūmanga. I roto i te tūranga hou, ka āwhina tonu a Pete ki te whakaputa i ngā pūnaha pāmu huripoki ki te motu, ki te whakawhanake i ngā wāhi whenua pūhore, me te arataki hoki i ngā mahinga pāmu ki Te Tara o te Ika.
“Ā mohoa nei, he rawe te mahi mō Moana. He nui ngā mahi, ā, e arotahi ana te katoa ki te whāinga whiwhinga kotahi. Me pukumahi au, ā, e whakaaro ana ahau ka pārekareka ēnei mahi haere ake nei.”
Ka hoki ōna mahara ki te whāinga amorangi a te kāwanatanga kia $3 piriona te tupuranga o ngā tauhokonga ahumoana mō te tau 2030.
“He manawaū ngā tāngata katoa i konei, he pai hoki ki te mahi tahi. He wāhi nui tō te tīma i konei i te whakatupuranga o te pakihi tio.”
“Tērā ētahi taupā waeture tino mārō i waenga i ētahi atu haupāuma e rere mai ana i te ūmanga nui tonu. He kakama hoki te mahi a Moana i te whakaumunga taikaha o āna mahinga Tio. Ahakoa te whakatōrekereke mai a ētahi āhuatanga kino (ko te taiao tērā), e whai tonu ana mātou i te huarahi pai.”
— Pete Grierson, Kaiwhakahaere Pāmu me ngā Kaupapa
Tēnei a Moana e mihi nei i ngā mahi kimi kaimahi i oti i te taha o Sanford
I roto i tō mātou whakaaetanga ki a Sanford, ka whakatika a Moana ki te pupuri i ngā kaimahi ūmanga whai pūkenga katoa e taea ana, ki te hanga hoki i tētahi mahinga pō kia pai noa ai te whakamahinga o ā mātou rawa o te wā nei, me te hanga āheinga hou mō ō mātou tāngata. Ka mahi tahi te tīma Te Tangata, Te Ahurea ki ētahi tīra rāroto me Sanford HR i te whakawhitianga e toru marama te roa, me te aha ka noho tonu mai ngā kaimahi matua i roto i te ūmanga. Tēnei mātou te mihi nei ki te hunga katoai whai wāhi ki te tukanga nei, ā, e rikarika ana te ngākau kia kite i ngā mea ka oti i a tātou.
E tangi ana ki te kaiwhakahaere o te paonga pāua kahurangi ki Ruakākā, ki te Whanga a Tāmuri, arā i a Josh Birss, i riro rā i te Pēpuere.
Ko Josh te pou o te kāhui, nuku atu i te 17 tau e mahi ana tuatahi iho mā Oceanz, ka tōia mai ki roto i te whānau o Moana. I pā tōna rongo mō te menenga nanakia o te kanohi, te koi o ngā roro me te ngāwari o te ngākau, ā, he nui noa atu i te hoa mahi noa iho ki te kāhui piritata nei o Ruakākā.
He kaha a Josh ki te whāngai i ōna mōhiotanga ki ētahi, he whakaruruhau pai rawa, he kaiako hūmārie, ā, he kaha ki te tautoko i te hunga kei ōna taha i te ao, i te pō, tae atu ki te hunga i mahi rā i tōna taha i mua.
Tēnei te mihi aroha, tēnei te tangi mokemoke ki a Josh, otirā ki te hunga i whai wāhi atu ai i a ia.
E kore e ngaro he takere waka nui.