I roto i tā mātou pūrongo ā-tau 2021, i hoatu mātou i tētahi whakatakinga o te kaupapa whāinga nui e whai nei ki te whakangāwari i te āhua o ā mātou mahi hao ikawhaitira o uta.
Nō te iwi Māori anake te rōpū nei, ā, e kore e hokona atu ā mātou rawa. Me whai whakaaro ā mātou whakatau ki te pae tawhiti e whai wāhi ai te herenga me te tikanga ki te whāngai i ō mātou tāngata. Ka whai mātou ki te arataki i ngā mahi tiaki e pā ana ki te wāhi me te āhua o ngā mahi hiika aianei, ā muri nei hoki.
E toru ngā pou o te kaupapa nei:
Kaihiika haepapa
Kia tautokona ō mātou kaihiiki kirimana mā tā mātou hōtaka Responsible Fisher, ā, kia whakaatu tonu i ngā whanonga papai i runga i te moana.
Kia hea mātou hiika ai/e kore ai e hiika
Kāore ō Moana New Zealand waka hao ika. Ka mahi tahi ki ō mātou kaihiika kirimana kia mārama ai kia hea hiika ai, e kore ai e hiika rānei, ā, he pēhea te inaki o aua wāhi ki ngā nōhanga ika nunui.
Te whakangāwari taputapu hiika
Ka pātairia ō mātou kaihiika kirimana kia mārama ai ko ēhea ngā taputapu e whakamahia ana, he aha ngā mahi atamai hou kua whakatinanatia, ā, he aha ō rātou wawata e piki ai te kounga.
E whakapau ana mātou i te kaha i tēnei tau ki te kōkiri i te mahi nei. Koinei ngā taumata kua kakea i tēnei wā:
Kua whiriwhiri kōrero ki te Tohunga Hangarau Hiika o te Ao, ki a Tākuta Steve Eayers, nāna nei i uiui, i te taha o ō mātou Kaitohutohu Toitū Oranga, o Terra Moana, ngā kaipūhoroika kirimana ukiuki katoa, ngā kaihiika ahoroa e rua, me ngā kaihao kaharoa nō Tenemāka kia mārama ai ā rātou taputapu, ngā panonitanga kua oti i a rātou, ngā painga e kite ana rātou, me ō rātou wawata kia pai ake ai rātou ā muri nei.
Koinei ētahi o ngā kitenga nui:
Kua oti i ngā kaikōrero katoa he panonitanga ki ā rātou taputapu hei whakangāwari i te pā ki te takere o te moana, ki te whakawhāiti hoki/rānei i te haonga tē hiahiatia ai
He tokomaha ngā kaikōrero i panoni i ngā piringa ki te kaharunga kia āta tipakohia ngā haonga ika, me te whānui o te mata kia whāiti haere te haonga o ngā ika itiiti
He whakaaro ō rātou katoa ki ngā huarahi e pai ake ai, engari me tautoko atu kia tutuki ai ō rātou whakaaro
Dr Steve Eayers
Engaged International Fishing Technologist
“I ohorere au, i rorotu hoki te ngākau i te rongonga o ngā mahi a ngā kaihiika kirimana o Moana New Zealand ki te whakawhāiti i ngā pānga o te pūhoro ki te takere o te moana. He nui ngā turukitanga ki te whakawhiti i ētahi wāhanga o te pūhoro ki ngā rawa haumāmā, me te whakamahi hoki i ngā taputapu pūhoro e māmā iho ai te pānga ki te takere. E kaikā ana te tokomaha ki te koke tonu, ā, me mihi, me whakatairanga ā rātou mahi ka tika.”
I haumitia te rawa whakamahere whenua a ArcGIS, i mahi tahi hoki ki ngā kaihiika kirimana kia mārama kei hea pū rātou e hiika ana. He pakihi tūmataiti ēnei, ā, he mahi pai kia arohia te noho mai o te wāhi e hiika ai rātou hei wāhanga o ngā toi hinengaro, nō reira me mihi ka tika mō te whakapono o ō matou kaihiika ki a Moana, me tō ratou hiahia kia pai ai ngā whakatau mō ngā wāhi e hiika ai rātou, e kore ai rānei, ā muri nei.
Kua whiwhi raraunga mātou mō ngā nōhanga ika nunui, mō ngā wāhi e taea ai, i wātea māmā mai ai i te pito mutunga o te tau pūrongo nei hei whakarite ki ō mātou whanonga hiika kia mōhio ai mātou ki tō mātou kaha ki te pare atu i aua wāhi i ngā wā e taea noatia ana.
I te roanga o te hātepe nei, i taea e mātou te whakaū ka noho i waenga i te 3.5% me te 0.5% i roto i te EEZ ko ā mātou pānga ki te takere i roto te 12nm.
nz map infograph of bottom contact EEZ
II of IV
Kaupapa Tio Transformation
Ko Moana New Zealand te pakihi tio tuatahi i Aotearoa e whiriwhiri tahitia ana, he tohu o te noho mai o te iwi Māori hei whakaihuwaka i te rāngai mahi tio.
I te tau 2019, i whakatakoto mātou i te mahere wawata mō ngā tau e rima. Mō te Tio, he whāinga tēnei kia eke ai ki te 2 miriona taihana tio mō te tau 2022. E toru tau i muri mai, he nui ngā mahi kua oti, ā, kua whakahoutia taua whāinga kia 1.65 miriona taihana kē mō te tau 2027.
E eke ai ā mātou whāinga, me eke ngā mahi a tēnā, a tēnā hunga i te rārangi whakaputa hua. Kua oti i a mātou he haumitanga nunui, e $21 miriona, kia tutuki ai tā mātou rautaki.
Fiona Wikaira – GM Aquaculture
So we are partway through our farm transformation. What that means is a significant improvement in
working conditions. It was an opportunity to share with our shareholders what we are actually
doing and what our transformation journey was about so they could hear directly from us on a more
intimate basis.
Hohepa Rauputu – Tio Operations Manager
I get excited by all the innovation around us at the moment, I think it's just really cool because we’re all trying new things, some of it’s never been done before, so we are learning as we go. There’s just heaps of change in the air, and it's really exciting.
Vince Syddall – Retiring National Farm Manager
It’s the best thing that’s happened in this oyster industry in 40 years. You know they are very labour intensive, and this is one way of helping that get over that hump.
Rene Crough – Farm and Shore Manager
There's been a few challenges when you're putting the new lines and that out, baskets and that out. There's sort of a bit of team bonding goes on there, as well.
Fiona
Today we have the blessing of our new barge, and it’s the first new barge that Coromandel’s had in over 30 years. It's been designed specifically for our new farming technology.
The name of the barge is Kirinihi, and that’s a real acknowledgment of Vince Syddall, who has been our National Farm Manager, and you know, a real pioneer not only in the aquaculture business, but within the oyster industry as well, and this is part of his legacy that we will remember him by.
Overview of Tio Growth Cycle
Hōtaka whakatupu
I te tau 1996 ka tīmata tā Moana New Zealand whai i te tio, i te hokonga o Pacific Marine Farms. Mai anō i taua wā, e tupu tonu ana mātou nā ngā mahi atamai, nā ngā hokonga hoki. I kite mātou i te painga o ngā mahi āta tāmoe tio, me ngā mahi manaaki pai atu kia puta ai he tio i pai kē atu i te tio i whakatupuria mai i te tio pirianga tūwā i ki runga rākau. Nō mua i te 20 tau kua hipa, i piri mātou ki te Cawthron Institute hei whakahaere i ētahi whakamātautau tūturu o tā rātou hōtaka tāmoe hou. E mau tonu ana taua piringa i te rā nei, engari ināianei e arataki ana a Moana i tāna ake hōtaka tāmoe tauhoko, ā, ka nui ngā painga kua whiwhi e manawaroa ai, e hua nui atu ai āna tio.
Ko te āheinga ki te whakatupu tio i te roanga o te kaupeka te hua o ngā mahi i aratakina e Cawthron hei hanga i tētahi tikanga kōkuhu hou kia haumaru ai te whakaputanga o ngā tio iratoru ‘roa o te kaupeka’. He rerekē ngā tio irarua e hēhē ai te kai o roto i muri i te paonga, ā, kāore e pai te kohikohi i te raumati; he wharepā kē ngā iratoru, ā, e pai ana te kohikohi i te roa o te tau. He rīraparapa te tikanga whakaputa tio iratoru i hangaia ki Amerika, ki Ūropi, ā, ka mate ki te tāmoe tio mō ngā whakatupuranga e rua, tētahi i muri i tētahi.
Nā ngā painga o te tikanga kōkuhu nā Cawthron i hanga i Aotearoa i pai ai te whakapiringa tere o ngā painga ‘roa o te kaupeka’ o ngā iratoru ki ngā putanga e pā ana ki ngā take ira i runga i te āta tāmoenga.
Inā tata nei, ka mahi tahi Moana, me ngā pūtea tautoko a Seafood Innovation Ltd, ki a Cawthron hei hanga i ētahi tikanga whakatupu tio pai mō ngā pūhouhou iratoru kia whakawhānui ai mātou i te puna tio ā muri nei. Nā te whakapono ki tēnei i hua ai ngā haumitanga ki Kirikiritātangi, tō mātou whare paopao tio, e hia miriona tāra te nui.
Paonga
I te tōmuatanga o te tau, i tāngia te kawa o Kirikiritātangi, tō mātou whare paopao tio ki Whakatū, he wāhanga nui o tā mātou mahere wawata mō te Tio. He mea hanga te whare i runga i ngā mātāpono o te toitū oranga, ā, i runga i ngā whiringa kōrero ki ngā iwi o Te Tauihu o te Waka.
Kirikiritātangi — He ingoa whakapapa nui
He koha te ingoa o te whare hou nā te iwi: ko te kirikiri he kōhatu rikiriki, he onepū rānei. Ko te tātangi i ahu mai i te tangi. Ka piri tahi, ka puta ko Kirikiritātangi, ko te ingoa mō ngā takere kirikiri me tāna tangi e kawea ai te tangi, te wai me te kaimoana nui i raro i Te Taero a Kereopa (te parenga kōhatu) ki te pā mātaitai i reira i mua i te tangohanga o te whenua hei pāmu ki Wakapūaka.
He nui atu te Kirikiritātangi i te ingoa noa iho mō te whare; he taukī o te onamata, te inamata me te anamata mō te rohe. Hei tā Shane Graham (Pouwhakahaere o Ngāti Rārua), “i āta kōwhiria te ingoa hei mahara, hei mihi ki te whakahirahira o te rohe hei paonga tio, hei pā mātaitai hoki”. E mihi ana mātou ki ngā iwi o Te Tauihu o te Waka a Māui, nāna te taonga nei i takoha mai.
He mea hoahoa te whare hei whakawhāiti i te pānga ki te taiao. He pūnaha kohi ua tōna, he pūnaha pūngao rā hoki, ā, i whakamahia ngā rauemi o te rohe hei hanga i te whare.
It’s been amazing today, it’s such an awesome reason to celebrate! It’s a $5 million facility that’s taken, you know, almost 20 years in the making with all the science and R&D and partnerships over the years.
But I’m most excited to see is what’s possible. I just think we’re capable of anything and this sort of facility, this sort of investment really pushes the boundaries of what’s possible for us as Māori in fisheries.
It’s a beautiful facility, it’s all very shiny and sparkly now but I know within a number of months it’s going to be humming with beautiful baby tio.
I want to give a massive shout out to the team who have brought the project together. They have worked tirelessly all through challenging conditions with Covid to bring together all of the thinking, all of the heart, all of the science and the R&D and the innovation to put together Kirikiritātangi in a way that we can all be immensely proud of as we are proud of them.
You know, they’re a beautiful oyster so that’s part of it. But also they carry this beautiful story that started 30 years ago with the Settlement of Māori Fisheries. And they bring with it stories of 58 Iwi who are invested in this company as the owners and we carry that forward as the legacy and the responsibility. And to have Māori and Moana at the forefront of the tio industry in Aotearoa is amazing.
Te whakawhānui i tō mātou raukaha
Hei te Pepuere 2023 puta ai te putanga tauhoko tuatahi i te paonga hou. Kua takamuri te putanga nā ngā waipuke i te Akuhata, engari kua kitea tō mātou manawaroa, me ngā whakaritenga i whakaritea hei tiaki i ā mātou tio ki te kapoke me ētahi atu mate.
1.65 miriona
taihana tio mō te tau 2026
Kia eke rā anō ki tōna tino taumata, ka taea e Kirikiritātangi te mahi kia whā nga putanga tio i te roa o te tau. Mā konei e ranea ai kia eke ai tā mātou whāinga mō te tau 2026, arā ko te 2 miriona taihana tio.
Whare Whakatupu Noa
He pakihi tā mātou e hora ana i te nuku o te whenua mai i te pito raki o te Ika Tapu a Māui, i Pārengarenga, ki te paonga, te kōhanga me te whare whakatupu kei te pito raki o Te Tauihu o te Waka.
He painga rautaki ā te horanga ā-nuku nei:
Te whakamāmātanga tūraru haumaru koiora
He nui atu ngā rā e pai ai te kohikohi
He whaitua tupu tino pai
He wāhi ki te wai kia pai ai te tupu ā muri nei
$15.9m
Ka haumitia e Moana mō te wāhanga tuarua
Ka haumitia e Moana tōna $15.9 miriona kia ea ai te pae tuarua o tāna mahere. E unuhia ana ngā hanganga whakatupu tio e tū mai rā, ā, ka whakatūria haeretia he hangarau whakatupu aunoa haurua.
Tae noa ki te rā nei, kua unuhia ngā whata rākau tawhito i ngā heketea e 86 o te pāmu puta noa i ō mātou wāhi whakatupu e toru (Whangaroa, Hauraki, Pārengarenga), ā, nuku atu i te 340 ngā ahoroa pākete tio rewa kua hangaia kētia. Ko tōna 65% kua oti kē i a mātou o te whakaumunga o tō mātou pāmu, ā, he nui ngā akoranga a ō mātou tira. Ka whakaurua he hangarau hou, me te ekenga tonutanga o ngā whāinga, me te rongoa hoki i ngā taumahatanga o te ao o te Kōwheori.
He pai ake mō ō mātou tāngata
Nā ngā pāmu huripoki pākete i pai ake ai ngā ritenga mahi mō ō mātou tāngata:
Ka iti iho ngā mahi i rō wai, i rō paru i te roa o te tau
Ka iti iho te pānga a te ringa ki ngā mahi
Kāore e kaha te tīni haora mahi i te wiki kia hāngai ai ki ngā tai timu
Ka kore he mahi hua kore pēnei me te horoi pēke
He tūranga mahi hou
Ka taea e ngā momo tāngata whānui kē atu ngā mahi
Leroy Apiata
Whangaroa
“Nā te pūnaha pāmu huripoki i roa atu ai te wā o te tau e pai ai te mahi ki te pāmu, ā, ka pai atu te āhua o te iti noa o te pā a te ringa me te hāereere i te pōharu, i te kopounga kaimahi ā muri nei”
Pai ake mō te Taiao
Ko te pūnaha pāmu huripoki he pai ake mō te taiao:
~99.7% te whakawhāititanga o ngā hanganga rākau H6
Ka rīwhitia te rārangi katoa ki ngā pou e rua
Ka whakawhāititia te ehuehutanga
Ka pai atu te rere o te wai
Ka iti iho te hiahia ki ngā mahi whakatikatika
Ka māmā atu ki te karu
Ka wawe te kitenga o ngā pānga ki te kounga o te taiao i ngā haonga tio tūwā
Ka iti iho te pōreareatanga o te pūnaha rauropi takere moana
Ka kore e whakawhitia ngā pēke i waenga pāmu, i waenga rohe
Mākete tarāwhare, tukunga ki tāwāhi
He nui tonu atu te hiahoko ki te tio roanga-tau a Moana New Zealand tēnā i te nui o te haonga. Kua hia ngahuru-tau e whanake ai te umanga i tōna ohinga ki te taumata e hua ai he pae utu, i eke ai ki te taumata ko te rahinga me te whakatūturutanga utu ki te mākete.
III of IV
Tō mātou titikaha ki ngā WhaTu
He kaha a Moana New Zealand ki te kawe i āna haepapa ki te tautoko i te oranga o ngā whakatupuranga, tae atu ki te āhua o ā mātou whanonga ki te taiao, me ā mātou mahi ki a ia hoki.
Ko mātou te kamupene kaimoana nui katoa o te motu nō ngā iwi tōna katoa, ā, kei ā mātou uara tō mātou titikaha. Kei te hāputa ko te kaitiakitanga, e whakapau kaha ai mātou ki te noho hei kaitiaki pai o te tangata me te taiao. Ka mārama te kitea o tēnei āhuatanga i tō mātou titikaha ki ngā WhaTu.
Ko tētahi wāhi o te whakaaro anō i te āhua o ā mātou mahi ko te arotake anō he ā mātou mahi, he aha e mahia ai, ā, me pēhea te whakapai atu. Hei konei whakatakoto ai mātou i ētahi tauira o ngā mahi a ō mātou tāngata hei whakatinana i tō mātou titikaha ki ngā R e 6.
The 6 r’s - Te oranga o ngā whakatupuranga o muri nei
Ko tētahi wāhi o tā mātou kaupapa Tio Transformation ko te unu i tōna 99.7% o ngā hanganga rākau H6, e tahuri atu ai mātou ki ngā mahi pāmu aunoa haurua.
E kore ai ēnei e haria ki te rua para, kua kitea e Morgan, nō te tira tio ki Whangaroa, he huarahi ki te whakamahi anō i ngā rākau i hutia ake i te wai, arā mā te whakataiapa i te ara ki te urupā o Te Puna Roimata.
Kua kitea e tō mātou tira ki Hauraki tētahi atu mahi. Ka whakamahi anō ngā rākau hei hanga pouaka māra, tēpu pikiniki hoki mō te raumati.
I roto i te hinonga nei, me whakamoe hoki mātou i ngā pākete tawhito i tupu rā ngā tio. E whakamahi ana a Bradley Lithgow, nō tō mātou tira tio ki Hauraki, i ngā pākete tapatoru tawhito hei ruruhau mō ngā rākau, kia maru ai ngā kōhuri i ngā kararehe me ngā hau pūkeri. Ka taea ngā pēke papatahi te wewete, ka whakamahia ai hei raumata aka, pātū tiaki, pātū whakatupu rānei.
Ka kitea e Ofa Pamaka, nō Wiri, ka koromikotia ki runga ngongo pango kirihou ka tukuna ai ki te rua para ko ngā uhinga rāroto o ngā pouaka kirihou e hokona koromikotia ana. Ināianei ka kohia ērā e te tira, ā, kī noa ana te pouaka, ka whakahokia ngā ngongo ki te kaihoko, ka whakamahia anō ai mō te putanga hou o ngā uhinga rāroto. He mea nui te iti!
Kua noho a Maungarei hei pokapū kohinga mō tā mātou kaupapa tukurua i ngā Kamupūtu Bata, e kohia ai ki roto ipu ngā kamupūtu i whakamahia, ka kawea ai ki te whare hanga, ki Pōneke rā, ā, ka haehaetia, ka whakamahia hei hanga kamupūtu hou mō mau ki te kāinga.
Ngā turuki e whā o te tukuruatanga PVC:
Kohinga – haria ngā kamupūtu Bata ki ngā whare hanga ki Pōneke
Whakarōpū – Ka whakawehe a Bata i te pūtu me ngā matū ehara i te PVC
Kōnatunatu – ka meatia ngā pūtu ki roto i te mihini kōnatunatu, ka haea te PVC kia iti iho ngā kongakonga
Hanga anō – Kātahi ka whakamahi a Bata i te PVC tukurua ki āna mihini hangarewa wewero hei hanga pūtu hou mō te mau ki te kāinga, kei Mitre10 e hokona ana
E hiahia ana mātou ki te wewete anō i te para [kamupūtu] ki ngā rawa taketake hei hanga kamupūtu PVC Bata hou. Ko te whāinga matua kia kaua noa e whiua ki te rua para ngā kamupūtu PVC i whakamahia/mauria, ā, ki te āwhina i ō mātou kiritaki kia haepapa ai te whiunga o ō rātou pūtu tawhito
Bata Shoes NZ
Ahakoa te huhua o ngā tauira pēnei, ka āta mihia e mātou ki konei ko Steve Mowbray mōna i āwhina ki te ako i tōna tira he aha e taea, e kore e taea hoki te tukurua, ā, ki hea meatia ai. He māmā te āhua, engari ka nui te pai o te iti. Nā tēnei mahi, ki ētahi atu wāhi hoki, i ū ai te mā o ō mātou rārangi tukurua.
Kua tīmata ngā mahi tukurua i ngā mahuetanga kirihou ngāwari, ngā para pūhera rānei ki ō mātou wāhi ki Wiri, ki Hauraki. I te utanga tuatahi, e 2 mita pūtoru kirihou ngāwari i tukuna ki SaveBoard, e tukuruatia whakapaitia ai ngā para kirihou hei rawa hanga kounga mō ngā kāinga me ngā whare tauhoko. E 50kg, e 3-4 kāta rānei, te kirihou e kore e haere ki te rua para i ia tau, i ia tau.
Kua tahuri nui atu ngā tukunga tio i te whakamahinga Pouaka Kirihou mō ngā tukunga i roto Tāmaki i ngā tau e rua kua hori. Ka whakamahia he taraka whakamātao mō ngā haerenga poto, me te aha kua āhei mātou ki te whakamutu i te whakamahinga pouaka kirihou, ā, kua tahuri kē ki ngā pouaka kāri.
E whakanau ana a Pāua Tūwā ki te whakamahi pouaka kirihou hei kawe atu i te pāua, engari kē ia kua tahuri ki te pouaka kirihou e taea ana te whakamahi anō, he pakari, he whai i ngā hua katoa a ngā pouaka kirihou ki tō mātou wāhi ki Te Papaioea me Whakaoriori.
E 6,500 ngā pouaka kirihou ka unuhia i te pakihi e te hinonga nei, ā, e $40,000 i te tau ka penapenatia.
Ki runga Maungarei, ka whakaaro anō mātou i ā mātou hua, ā, inā tata nei mātou i tahuri ai i ngā pūhera hāpia ki tētahi kōwhiringa whakamātaotao e ora tonu ai te mauri, arā ko ngā pūhera wai pātio.
Ko ēnei pūhera he kirihou ngāwari e taea ana te tukurua, e kī ana i te wai, ka whakapātiotia, kātahi ka meatia ki ā mātou ipu rokiroki mō te kawenga haumaru o ngā hua. Ka mutu te whakamahinga, ka whakamahia anō ā mātou pūhera rānei, ka motua rānei ka rīngihia atu ai te wai kia pai ai te tukurua i te waho o te pūhera. He pai atu te mahi nei e toitū ai te mauri, ā, he māmā ake te karawhiunga mā ō mātou kiritaki, he kore nō rātou e mate ki te kimi huarahi kia rukea ai te hāpia.
Kua whakawhitia e Nathan Reid, nō te wāhi mahi Ika ki Maungarei o Tāmaki, rāua ko tāna wahine i ngā waka, ka taraiwa ai i tōna waka momorua ki te mahi. Ia wiki, ia wiki penaia ai he $100 penihīni i te haerenga e 55km nei, ā, ka nui te whakawhāititanga o tōna puhanga waro hoki.
Kua tīmata a Robyn o Hauraki ki te whakamahi kē i ngā anga tio me ngā kirikiri a te mihini whakamōheni, i ruia atu rā ki te ipu para anga. Ka haria e Robyn me te tira i te kirikiri ki te kāinga hei timotimo mā ā rātou heihei. He pai te konupūmā o roto i ngā anga tio kia hua ai he anga tōhua ora, anga tōhua kaha, ā, kua horoia te kirikiri a te mihini ki te wai māori ka iti ai te tote e ruia ana ki te māra i roto i te hātepe nei.
Ko tētahi atu whakamahinga o te anga i kitea ko te noho ki te raro o ngā pouaka tupu kia pai ai te whakamimititanga o te wai.
I Moana New Zealand, ko te atamaitanga te whai. Inā tata nei i toro ai a David Cossey, Kaiwhakahaere ITC me ngā Hinonga, ki te wāhi tio ki Hauraki, ka kite ai i te ihu atamai o ō tātou tāngata.
“I mīharo au i te rangahau a Vince Sydall rāua ko Rene Crouch i te ngā mahi whakatikatika i ngā rārangi whakatupu tio aunoa haurua ki te wai, kia māia ake ai i ō ngā pāti.”
Ka huia tahitia ō rātou whakaaro ki te whakaaro anō, whakamahi anō, whakarite anō i ētahi taputapu pāmu tawhito, ā, ka puta ko te whakaaro papai. Ka whakarerekētia ngā taputapu tē whakamahia ai, me te aha ka kore e mate ki te hoahoa, ki te hokohoko taputapu hou.
Ka huia tahitia ō rātou whakaaro ki te whakaaro anō, whakamahi anō, whakarite anō i ētahi taputapu pāmu tawhito, ā, ka puta ko te whakaaro papai.
He wāhanga whakahirahira ā mātou ipu ika COPACK o ngā mahinga ika, ā, he mea mahi ki te HDPE mārōrō. He rite tonu te karawhiua ki te hātepe whakamahinga, horoinga, patueronga, me te whakamahinga anō e ō mātou kaihiika kirimana.
Pēnei i ētahi atu mea katoa, ka pākarukaru i ōna wā. I ngā wā e taea ai, ka tukua atu kia whakatikaina ai kia pai ai te noho mai ki te hātepe nei. Mate noa ana, ka whakahokia ki a ES Plastics, ka whakamaramaratia, ā, ka hangaruatia hei taputapu hou.
Nā te mate urutā o te wā nei i mate ai mātou ki te panoni i ētahi o ā mātou mahi, ā, ko te hua o tētahi panonitanga ko te arotake tuatahi o te utu kaimahi pepa-kore. Me te aha ka whakawhāititia ngā tānga me ngā pepa mā te 1400 whārangi.
Ka whakaurua e Wiri he pūnaha whakamātao ki te hurihanga wai mō te mihini whakatakupe papa, i mua e 5L ka pau i te miniti. Ināianei ka hurihuri i aua wai anō rā, me te aha ka nui te wai e puritia.
E whakawhāiti ana mātou i ngā pūhera e whakamai ai mātou kia tae atu ai ā mātou tio i ngā toa hokomaha. I mua rā, ka tukuna i roto pouaka kāri me ōna wāhanga e rua, e toru ngā tohu, he pūhera hāpia me te rīpene. Ināianei, ka whakatakupetia ki runga papa, ka tukuna ai ki te toa hokomahi, ka horoia, ka whakahokia ki whakamahia anō.
He roa te rārangi huatau e whakaaro ana mātou ki te wherawhera, ki te whakatinana. Ka whakaūngia e ngā tauira i runga nei ko te mahi tahi te take, e titikaha ana tā mātou pakihi me ō mātou tāngata ki te whai wāhi ki taua take. He haerenga roroa tēnei, ā, e rikarika ana te ngākau ki te koke tonu.
IV of IV
He koha
– koha mai, koha atu
I te tau nei e koa ana te ngākau ki te tuku i tā mātou hōtaka mihi mō te toitū-oranga – He Koha. Ka takea mai i te whakataukī, aroha mai, aroha atu.
Ko te koha e kōrero nei mātou ko te whakaaro toitū-oranga hei āwhina ki te whakawhāiti i ngā puhanga waro, hei hāngai rānei ki te titikaha ki te WhaTu (whakaaro anō, whakanau, whakawhāiti, whakamahi anō, tukurua, whakatika).
Mō tēnā whakaaro, tēnā whakaaro ka homai, ka hoatu mātou i te koha ki ō mātou tāngata hei āwhina i a rātou e ngana nei kia hāngai ngā mahi ki te toitū o te mauri.
I te Hurae 2022 i whakarewaina rā te kaupapa. I te koata tuatahi, he 72% te pikinga o te uruuru mai, ā, kua oti te 38% o ngā whakaaro te whakatinana.
E koa ana i te kaha o te wherawhera o ngā whakaaro. Anei ētahi tauira:
Andrew Oliver
Depot Manager, Whitianga
“Akiakina ō mātou kaihiika ki te wehewehe i ngā para me ngā tukurua hei
whakawhāiti i ngā para ki te rua para”
Grant Rolfe
Engineering Supervisor, Palmerston North
“He hoahoanga tawhito te Whakahiko Tarakihana Hiki kei te Rārangi Tohu, ā, he nui
atu te hiko ka pau tēnā i ngā mea hou, kua homai he taukī utu e mea ana he $672 te
hiko ka taea te pupuri, ā, ka whakawhāititia te puhaga waro mā te 972kg i te tau.”
David Cossey
Group Portfolio, Projects and ICT Manager
“Whakamahia te taupānga kawekawe Snap, Send, Solve he pūrongo i ngā āwangawanga
ā-taiao e kite ana koe ki tōu hapori ake”
/
Ross Brown, Mt Wellington
Ia koata tau, ia koata tau, kōwhiria ai te toa e te Sustainability Working Group (ka whai wāhi mai te hunga nō ngā wāhanga katoa o te pakihi) mō te whakaaro papai. I te koata tuatahi, ko te toa ko Ross Brown nō Maungarei, mō te whakaaro ki te kohi i te wai ua hei horoi i ngā taraka me te papa. Ko te koha ko te tīkiti kai, ko te kete koha e kī ana i ngā hua o ia rā e toitū ai te oranga, ā, ka wātea te toa ki te tautapa i tētahi rōpū ohaoha kia tuku ai a Moana i te koha ki tāna kaupapa.
Ka kōwhiria e Ross ko Para Kore e whakahaere wānanga ana hei ako, hei tautoko i ngā rōpū, ngā whānau me ngā hapori ki te hoahoa atu, ki te whakawhāiti atu i ā rātou para.
