Cian Henwood
Administration manager
“He pārekareka hoki ngā akoranga whakarite wā ki a mātou ko Roly, ko Leroy. 10/10 mō tāna kauwhau! He uaua te tō mai i ngā tama nei ki aua mea, engari hei tā rātou he pai, nō reira he rawe tērā.”
I of XV
Te tangata, te ahurea
Kaimahi katoa
310
38%
Wāhine
62%
Tāne
Māori kaimahi
34%
% hunga kaimahi Māori
34%
% kaiārahi, kaiwhakahaere, kaimātai, kaiārahi tira, kaitohu Māori
60%
% o te Ohu Rangatōpū he Māori
100%
% o te Ohu he Māori
Ō mātou tāngata huri noa I te motu
KIA ARONGIA: KO NGĀ ROHE PŌTI KEI RUNGA NEI E RĀRANGI ANA HE RITE KI ĒRĀ KEI TE TURE MAHINGA IKA MĀORI
II of XV
Tautoko i ō mātou tāngata i te roanga o 2022
Ko te manaaki i ō mātou tāngata te mea nui i te ao, i te pō, ā, ka toro atu tēnei ki tua o te whāinga nei, te pāmamae kore.
He tau uaua ngā tau e rua nei i ngā nōhanga rāhui Kōwheori me te pikinga o te utu kia ora ai te tangata, inā hoki ko te kai me te penihīni. I te roanga o te tau 2022, ka torotoro tonu mātou ki ō mātou tāngata me te tautoko anō i ngā wā katoa i taea ai, he mōhio nō mātou he taumaha hoki mō ētahi o ō mātou whānau.
Ko tētahi mahi i kakama ai tā mātou āwhina ko ngā kūpane penihīni me ngā kūpane kai, ngā mea e rua e rongo ana ō mātou tāngata i te taumaha. Kua oti kē i a mātou ngā kai Rite Kia Kainga a Moana kia whāiti iho ai ngā utu kai mā ngā whānau.
Tērā ētahi atu huarahi i tautokona ai ō mātou tāngata, pēnei me te tautoko oranga hinengaro mā Hīkoi ki te Ora, tā mātou hōtaka hauora; me te kupu tohutohu pūtea, he kore utu, he matatapu, mā ngā ratonga EAP.
Rene Crouch
Farm and Shore Manager
“Tēnei te tuku i te ka pai nunui mai i tō mātou tīma i konei, i paitia rā e rātou ngā kūpane i whiwhi mai i te kamupene. Katoa katoa e menemene ana i te koa, he rawe te kite i te āhuatanga nei, me te whai wāhi ki tēnei mahi papai.”
III of XV
Ka rewa ngā akoranga hou
Poipoia te kākano kia puawai.
— Nurture the seed and it will bloom.
I rewa tā mātou hōtaka whakangungu rāroto, ko learn@moana, i te Akuhata, e whai wāhi ai ō mātou tāngata ki te ako pūkenga hou, ki te whakawhanake i ō rātou āheinga me ā rātou ūmanga mahi. Kua whakaritea he āheinga ako, āheinga whanake mā ngā kaimahi katoa a Moana, tae atu ki ā mātou hōtaka whakangungu ārahitanga rāroto, te whakamāia kaiwhakahaere, me te whanaketanga o ngā tētēkura araara.
E toru ngā aronga matua o te hōtaka: te whakatupu pūmanawa, te whakapakari āheinga ā-ahurea, me te tautoko i ngā kaiārahi. Ka kapi i ngā akoranga tuatahi te whakarite wā, te āta whakarongo, te whakahaere hui pai, me te hiringa i te mahara. E wātea ana ngā kaimahi katoa puta noa i Moana ki aua akoranga, hui ā-tinana mai, huitopa mai, ā, ka whiwhi tiwhikete otinga ngā tāngata katoa, me te mauhanga o ā rātou akoranga kia arongia ai ā rātou mahi nui.
Kei te wāhanga tuarua o ngā akoranga ko te whakautetanga ki te wāhi mahi, te whakatau raruraru, te īmēra me ngā pūkenga tuhituhi kōrero pakihi.
He pai ngā kōrero mō te hōtaka i hoki mai i ō mātou tīma, ā, e rikarika ana te ngākau ki te whakarewa i te maramataka katoa o ngā mahi whakangungu hou mō te roa o te 2023, hei hoa mō ngā akoranga kua oti kē te hanga.
85
ngā haora whakangungu
He 18% ngā kaimahi a Moana kua tae atu ki ngā akoranga, me te tokorahi hoki o rātou kua tae atu ki ngā akoranga katoa e whā. E 85 ngā haora whakangungu kua oti mō te tau pūtea ki nāianei. Kua kawea e mātou te learn@moana ki Hauraki me te tuku anō i ngā akoranga mō ngā rangi e rua ki te tira whakahaere. Ka hiki te tīma i te huara i te roa o te 2023, tukutuku ai i ngā akoranga ki ō mātou tāngata.
IV of XV
Te āwhina i te hapori
He tau atu tēnei o te aroha ki te iwi, e koha atu ai ngā tāngata a Moana, me te ū ki te mahi huri noa i Aotearoa.
Anei ētahi tauira ruarua o ō mātou tāngata e tautoko ana i ō rātou ake hapori:
Blue cod sponsorship
I takoha a Moana i ētahi rāwaru reka hei paraihe ki te Whakataetae Whakangau Poaka Norman Kirk Memorial Reserve i te tau nei ki Rēkohu. He hui nui tēnei mō te wīkene katoa, kua 28 e haere ana, ā, ka kohikohi pūtea mō te whakatikanga me te whakapaitanga o ngā whare o te hapori, me te taunaki anō i te oranga me te hauora o te hapori.
Leap of faith
Ka peke a Ray Kearns, nō tō mātou tīma ki Maungarei, i te ahi māhitihiti mō tētahi o ā mātou hoa rōpū ohaoha, he 192 mita te tiripou iho i te Sky Tower o Tāmaki Makaurau he kohi pūtea mō te Graeme Dingle Foundation me ā rātou mahi ārahi i te tamariki me te rangatahi huri noa i Aotearoa.
Playground move
Kei te Rēkohu, e whakapau kaha ana tō mātou tira ki te āwhina i te hapori ki te whakanuku i ngā taputapu papa tākaro i te wāpu ki tō rātou kura.
V of XV
E piki ai te whai wāhi, te mātauranga o te Māori
I te tau nei ka tīmata te hōtaka Te Ao Māori, i te taha o tō mātou hoa akoranga, o Education Perfect.
I te tau nei ka tīmata te hōtaka Te Ao Māori, i te taha o tō mātou hoa akoranga, o Education Perfect. Ka noho hei tūāpapa ko ngā rauemi reo Māori, rauemi ao Māori e whakamahia ana ki Moana, ka wātea te hōtaka nei ki ngā kaimahi katoa a Moana e hiahia ana ki te whakapakari i te reo me ngā tikanga Māori.
Christine Smith, Frances Matthewson (Ngāti Whātua, Ngāpuhi) , Alicia Edwards (Ngāti Raukawa)
He pārekareka, he whakahihiko te kōhi, ā, e taea ana te mahi i runga rorohiko, i runga waea pūkoro rānei, ā, ka wawe te whakahokinga kōrero mō ngā whakautu. He tokomaha ngā kaimahi a Moana i ako tahi me ngā tamariki me ngā whānau, ā, ka kaha atu te whakamahi i te reo ki te kōrerorero, he māia nō rātou i ngā mahi i roto i te taupānga.
Ko Christine Smith tētahi o ngā whetū tārake o Moana, i te taha o Alicia Edwards rāua ko Frances Mathewson nāna nei i whakapau i te wā roa ki te taupānga Education Perfect. Tumeke!
“Loving the app. It’s an awesome way to learn” — Christine Smith
Ko tētahi atu āheinga ako ko Te Kura Reo Pakihi i tū ki Rotorua. Ia tau ia tau whakatairangatia ai e Moana New Zealand te wānanga nei, e rua rā te roa, ā, i te tau nei ka tae atu ētahi tāngata nō te rōpū mahi Ika me te rōpū tautoko kaimahi.
Nā te whakahaere i runga marae i maru ai te wāhi ako mō ngā tauira hei ako i te reo Māori, ko te reo mō ngā mahi pakihi o ia rā te aronga nui. Ka whai wāhi hoki te hunga kātahi anō ka pā ki te ao Māori kia rumakina ki ngā tikanga, me te whai wāhi ki ngā mahi pēnei me te pōwhiri. Ka manaakitia ngā tāngata kei ngā taumata katoa, mai i te taumata hakahaka ki te taumata mātanga.
Ko te whakaaro ia he whakaū i tēnei hei huarahi e māia ake ai ō mātou kaimahi kia rumakina ai ki te reo me ngā tikanga.
Frances Matthewson – Team Leader
Our main purpose in learning it is we thought, well, Moana, of course, you know they represent the Iwi and everyone, so why not? You know, and it’s our, it’s our language.
Alicia Edwards – Growout Technician
I do it after work when my kids are asleep, and I have a bit of competition with my mate over here, so she's been motivating me. I like competition, and that’s how I keep going.
Christine Smith – Recirculation Team Member
Being in Northland, everyone can speak a little bit. The Matariki bit was really cool learning the stars and sky, and easy to hop on and watch TV and do a bit of study at the same time. I’d just like to be able to understand it a bit more, try to follow along with conversations, and that’s probably the goal.
Frances
I like the voice, the voice of how to say it. I get shy, so when I hear it, I say it, but when I replay it going, “oh, I'm not saying that right, " I go back to it. Also, with my moko, he's at a kōhanga in Northland, so that pushed me because he knows more Te Reo Māori than myself. I sorta just want to be up there and understand what he's saying.
Alicia
Yeah, I'm hoping to speak it fluently and understand it, but I think I’ve got a long way to go yet, but I’m getting there.
Frances
Actually my sisters are quite fluent and they hate leaving me behind cause they gotta keep translating to me just to understand what's happening in the marae and all that sort of stuff. And just them knowing that I am doing this beginners course is, well the world is your oyster is what they say.
Luke Maunder
Health, safety and compliance leader
“He whakamīharo kē te kauhau mō te tiakanga taiao a te Māori. Ko te whakaakona ōku ki te hītori Māori, he pēhea ō mātou tūpuna, ki te horopaki ā-waha anake, kātahi anō ka pēnei te kaha o taku rongo i te hononga ki a rātou.”
VI of XV
Te ū ki Moana
I oti i a Moana te whā o āna tatauranga ūnga kaimahi mō te kahui katoa i te haurua mutunga o te tau.
He huarahi whakahirahira tēnei e tūhono tonu ai mātou ki ō mātou tāngata, ā, mā konei e mārama ai te titiro ki ngā mahi e pai ana te haere, me ngā mea ehwi whakapai ake.
Kitenga Ūnga Kaimahi
He uka, papatahi te ūnga i te taka o te wā.
2018
50%
2019
53%
2022
50%
% tāngata i ū
He mea nui rawa te whakapakari i te ahurea wāhi mahi me te whakawhānui i te ūnga kaimahi. He tokomaha ō mātou tāngata i pātaitia e mātou i roa o te mate urutā, hei tautoko hoki i te whakamāuitanga o te pakihi i te tau nei, he aronga tūmau te ūnga, te oranga me te hauora.
Ko te manaaki tangata he pūkenga nui ki tua noa atu o Moana.
Ā Moana wheako tangata e toru o runga ake — % pai
Haumarutanga
urupare ki te Kōwheori-19
Oranga me te hauora
Ko te manaakitanga he kaupapa auau o ngā pātai o runga — % pai
82%
Ka rongo au i te haumaru ki t/ōku wāhi mahi
80%
E whakaaronui ana tōku kaiwhakahaere ki ahau hei tangata
73%
I whakaatu te Ohu Whakahaere o Moana i te manaakitanga me te whakaaronui ki ngā kaimahi i te wā o te mate urutā KŌWHEORI-19
I te tau nei, ka whakahaeretia he wānanga e hāngai ana ki ngā mahi, ngā wāhi mahi me ngā tira kia mārama ai te taumata, te pūtake hoki o te ūnga puta noa i te pakihi. Waihoki, ka whakahaeretia he hōtaka mō te ārahitanga, ngā uara, me ngā kaupapa whakanui, whakamiha mō te kāhui katoa, he mea hoahoa hei whakapai i te wheako kaimahi, ā, kia whaitake ai ki ō mātou tāngata.
Katrina Thomson
Kaiwhakahaere Tira Tangata, Tira Ahurea
“E rorotu ana te ngākau i te nui o te ūnga, e 78%, me te pikinga mai i te tatauranga o mua mā te 16%. Heoi, e mōhio ana mātou he mahi hoki hei mahi kia pai atu ai te ahurea, kia whakaputaina hoki te rautaki pakihi me ngā kaupapa ahurea e eke ai ngā whakapaipaitanga o ia tau, kia noho ai a Moana hei wāhi mahi papai.”
VII of XV
E eke ai ngā Hoa Tumu ki runga i te waka
I te tau nei, ka takina e Moana te Hōtaka Hoa Tumu tuatahi, he mea hoahoa ki te whakawhanake i ngā pūkenga Māori e puta ake ana, ki te poipoi hoki i ngā āheinga whakahaere i roto i tō mātou rōpū nei, nō ngā iwi tōna katoa.
He wāhi nui mātou o te Whakataunga Mahinga Ika Māori, ko te kamupene mahiika nui rawa o Aotearoa nō te Māori, ā, he haepapa kei runga i a mātou hei āwhina ki te whakawhanake, ki te whakaahua hoki i te āpōpōtanga o te rāngai kaimoana, o te ōhanga Māori me Aotearoa. Waihoki ki te tuku āheinga whaitake mō ngā rangatira o āpōpō.
Ko te tuatahi o ngā rangatira o āpōpō i kopoua hei Hoa Tumu ko Ngarimu Parata (Ngāti Porou, Ngāi Tahu) rāua ko Linda Grave (Whakatōhea).
Linda Grave
— Whakatōhea
Ko tō Linda kopounga he hokinga mōna ki Moana, ka tata ki te tekau tau ia e mahi ana i reira. I tīmata āna mahi nui i te ao tātari kaute ki Deloitte, otirā e ono tau ki tā rātou hōtaka tohu paerua i mua i te whitianga ki Moana. I Moana, ka tū roa a Linda ki ngā tūranga kaiwhakahaere matua, tūranga tātari pūtea hoki. Ko tō Linda tūranga ināianei he Kaitautoko Rangatōpū ki Te Whare Wānanga o Awanuiārangi. Kua tū hoki ia ki ētahi tūranga kaitohutohu, tūranga mema komiti huhua hoki i tautoko ai ia i te whakawhanaketanga o Ōmarumutu Marae, te Whakatōhea Pre-settlement Claims Trust, me te Whakatōhea Fisheries Trust.
Ngarimu Parata
— Ngati Porou, Ngāi Tahu
I tīmata a Ngarimu i āna mahi ki Ngāti Porou Fisheries, kātahi ka whiti atu ki ngā mahi whakahaere hinonga, whakahaere kaupapa mā Ngāti Porou, ā, ka noho hei Kaitohutohu Māori Matua mō Te Pūtea Matua. I tū ia hei heamana ki te Komiti Marae o Waiomatatini (Porourangi), i mahi ia i Petuna mō tētahi wā, ā, hei Tumu, hei Mema Komiti Take Tātari, Take Tūraru mā roto o Toitū Ngāti Porou.
I Moana nei, e whakapono ana mātou he nui ngā taonga kei a mātou hei koha ki ngā rangatira pakihi Māori o āpōpō. Ka whai wāhi rātou ki tētahi pakihi Māori nui, pakihi angitu, ā, ka whai wāhi ki ngā rekereke o tētahi Ohu Tumu tautōhito. Waihoki, ka tupu, ka ako tō mātou Ohu i te taha i a rātou, me te hura hoki i ētahi āheinga hou mō āpōpō.
VIII of XV
E takoto ai te ara o te rāngai kaimoana ki tua
Ko tā mātou Te Pae Tawhiti Kaimoana Enhancement Scholarship o ia tau he karahipi mō ngā uri Māori e hiahia ana ki te tautoko i te kōkiritanga o te umanga kaimoana Māori.
I tēnei tau, i hoatu ki ētahi kaiwhiwhi tōtika, ki a Te Waikamihi Lambert rāua ko Michaela Martin. I te tau 2021, e whai tonu ana te kaiwhiwhi tuatahi, a Daria Bell, i te huarahi nā te karahipi nei ia i āwhina ki te whai.
Te Waikamihi Lambert
— Ngāti Awa, Tuhoe
E whai ana a Te Waikamihi Lambert (Ngāti Awa, Tūhoe) i te Tohu Pūtaiao ki Te Herenga Waka. He nui ngā take i mahuta ake ai ia, pēnei me āna mahi taiao tūao i ngā kuku ki Ōhiwa, i raro i te maru o Tākuta Kura Paul Burke. Ko ētahi o ngā mahi ko te kohikohi mātauranga, me te whakamātau aho kuku i mahia ki te muka.
He wahapū ia ki te reo Māori, ā, he mārama kehokeho ōna whakaaro ki tōna huarahi, me ōna whakaaro kia haere ki te Whare Wānanga o Waikato, whai ai i te Tohu Paerua mō ngā hua o tēnei mea, te rāhui. He kakama a Te Waikamihi, he ihu oneone, he remurere ki te taiao.
Michaela Martin
— Ngāti Hauiti, Ngāti Whitikaupeka
Michaela Martin (Ngāti Hauiti, Ngāti Whitikaupeka). Kua oti kē i a Michaela te Tohu Pakihi a Te Kūnenga ki Pūrehuroa, ā, e whai ana i te Tohu Mātauranga Taiao ki Te Whare Wānanga o Awanuiārangi, me te mahi hoki ki Te Puni Kōkiri hei Kaitohutohu ā-Rohe – Whenua Māori.
Ka whakaatu a Michaela i te kaha nui mō ngā wāhi katoa o tōna ao, arā ko te mahi me te ako wā ukauka me āna tamariki tokotoru, te whakaako poitarawhiti, me te mahi hoki ki tōna iwi. E whai ana ia i te māramatanga kia pai ake te tautoko a ngā rawa mahiika i ngā tamariki ki tua noa o te pae.
Daria Bell
2021 inaugural recipient
“Tēnei te mihi nui ki a koutou te kapa o Moana New Zealand mō koutou i kōwhiri i ahau hei kaiwhiwhi o te karahipi Te Pae Tawhiti i te tau 2021. He hōnore nui rawa te whiwhi ki te karahipi nei e whakanui ana i a Matua Whaimutu Dewes”
Ko Daria Bell (Te Whānau-a-Apanui) te kaiwhiwhi tuatahi o tā Moana Te Pae Tawhiti Scholarship. I te tau 2021, i oti i a ia tāna Tohu Pūtaiao, ko te ahumoana te kaupapa matua. Nā tāna rangahau tohu paetahi ia i wātea ai ia ki te tahuri ki tētahi wāhi rāhui mātaitai i roto i tōna iwi (Te Kopa o Rongokapana), me te whakamahi i ōna pūkenga hei hanga i tētahi pūrongo e aromatawai ana i tōna mauri, me tētahi mahere whakahaere mō ngā taonga koiora.
I te tau 2022, e whai ana ia i te Tohu Paerua, hei whakawhanake tonu i te māramatanga ki te ahumoana, me te arotahi hoki ki te huarahi e pai ai te mahi tahi a te pakihi, te pūtaiao me te mātauranga Māori kia pai ake ai ngā mahi ahumoana kia toitū tonu ai te mauri.
IX of XV
Tā mātou manaaki i ō mātou tāngata
Ia marama, ia marama hui tahi ai te tira hauora, arā ko te Kaitohutohu Hauora, a Shannon Waugh, me tō mātou ope toa hauora nō ngā tōpito katoa o te kamupene, ka whakatairanga ai i ētahi kaupapa, mai i ngā wero takahanga waewae.
Ki ētahi take hauora whāiti tonu pēnei me te mate huka me te whai tikanga toitū-oranga. Ko tētahi o ngā kaupapa papai i te tau 2022 ko Take a Little Time, i haere i te roanga o Akuhata, ā, ka werohia ō māotu tāngata ki te kuhu i a rātou anō, me te āta noho ki ngā tāngata e aroha ai rātou. I hiahia mātou kia kaua rātou e pare i te kiri-manaaki ki rahaki.
I hoatu he maramataka kiri-manaaki, e 31 ōna huarahi ki te hauora. I tonoa ō mātou tāngata ki te kōrero mai i tā rātou i tipako ai hei mahi mā rātou, ā, he whakamīharo te nui me nte kounga o ngā whakaurunga.
Ko te toa ko Rīhari Huriwai nō te Rēkohu, nāna nei i takahi i te one i tētahi taha ki tētahi, me te hoki anō i tōna rā whakatā. Ka whakaatu a Rīhari i ngā tāngata i tūtakina, i ngā mea i kitea i ngā 13 km i hīkoi ai ia ki TikiToki, he wheako tūturu o te Rēkohu. E 2 haora, e 49 miniti i muri mai, ka whakakapi ia i tāna hīkoi ki te karakia, ka uhia katoatia ki te rehu o te tai. Ka mau te wehi!
X of XV
Whakakotahitia ngā pūnaha pūtea
I te tau 2022, i tia te hoe a Moana, arā ka whakahoutia te pūnaha pūtea, ka tahuri atu i te Navision ki te Microsoft Dynamics Business Central. Nā te whakahouanga nei i pai ai tā mātou whakauru i ngā mea hou katoa, pai katoa, ka whakakotahi, ka whakakoutata i ā mātou pūnaha, ā, ka whakamāmā i ngā ratonga tautoko.
Nā tō mātou hoa hangarau te hinonga whakahouanga, hinonga whakapaipai i mahi i te tōmuatanga o te tau, arā nā Theta, e hia tau tāna mahi tahi ki a Moana. I ngā marama i muri mai, ka whai wāhi ngā kaimahi ki ētahi āhuatanag o te hinonga nei, pēnei me ngā wānanga rangahau, te hanga mahere whakamātautau, te ako i te Business Central, me ngā whakamātautau whakaaetanga a te kaiwhakamahi.
Nā te tahuritanga ki Business Central i pai ai tā mātou whakawhiti i ngā rōpū mahi katoa ki te putu raraunga pūtea kotahi, e māmā ake ai te pūrongo, ā, ka hua ētahi atu painga o te mahi hei pakihi kotahi, o te tauhoko hoki mā te kamupene kotahi.
Mā Business Central e pai ai te tukutuku haere, te whakahou haere i ngā whakapaitanga, hei te wā e hiahia ai mātou ki ērā mea. Me te aha he rite tonu te wātea mai o ngā painga e ahu mai ana i ngā whakapaitanga, ka kore e tatari kia puta rā anō te whatinga hou, te whakahouanga nui rānei.
Ahakoa te nui o te mahi nei, i whakaotia i te wā tika ki te tahua i whakaritea e te tira mahi, te aratakina rā e te CFO Grant Shuker – he tino ekenga mō te pakihi katoa.
XI of XV
Kua hoki mai ngā wānanga hāereere
E rua wā i te tau, toro atu ai ngā kaiārahi o Moana ki ngā wāhi katoa o te pakihi, tūhono anō ai, tuku anō ai i ngā kōrero hou mō ngā mahi a tēnā rōpū, a tēnā rōpū, ā, he aha kei tua o te pae.
Ka aroha hoki, nā runga i ngā tikanga Kōwheori kua kore ēnei e taea i ngā tau e rua kua hori. Engari kē, kua kapi i ngā ataata i rikoatatia tōmuatia e tō mātou Tumuaki, e Steve Tarrant.
Heoi i tēnei tau, kua hoki mai anō. I ngā rangi 18, i whai wāhi ō mātou tāngata ki te tūtaki, ki te rongo hoki i ngā kōrero a ētahi kaiārahi matua tokowhā, nuku atu, i ngā kauwhau katoa ki ētahi wāhi e iwa o Moana puta noa i te motu. He nui ngā āhuatanga hei whakariterite, engari e mōhio ana mātou ki te hiranga o te puta ake, o te tūhono anō ki ō mātou tāngata, kanohi ki te kanohi.
Steve Tarrant
CEO, Moana
“It was so good to reconnect with our people across the motu. It had been such a long-time between visits. I was really pleased to see everyone in such good spirits and to hear great feedback on the direction this business is taking.”
Paul Sieberhagen
Senior Business analyst
“He wā whakawhanaunga tēnei ki te ohu whakahaere matua, mō te tini me te mano. E mōhio ana mātou katoa ka taea te tahuri ki te ipurangi me ngā mōhiohio, engari ka tō ana te rā ko te pā o te ihu ki te ihu he whakahirahira rawa atu.”
XII of XV
E tū tonu ai te hōtaka pia i te raumati
I te Tihema 2021, ka whakarewaina e Moana te hōtaka pia i te raumati, i te taha o Callaghan Innovation me āna tahua wheako Rangahau me te Whanaketanga.
Hei tīmatanga mā mātou, e rua ngā hōtaka pia e arotahi ana ki ēnei:
- Ko te hoahoa kirihou he uaua nei te hangarua, mā te whakawhanake tūāpapa kia kaha ai a Moana ki te ine i ngā parenga para i te rua, te pāpātanga o te hangarua, me te whakawhāititanga o te para i te takahanga o te wā
- Ko te whakahōhonu i tō mātou māramatanga ki ngā wāhi e hiika ai, e kore ai hoki e hiika ō mātou kaihiika kirimana, ki ngā tauira GIS i roto o ArcGIS, kia kaha ai ngā kaiwhakahaere o Moana ki te whakatau i ngā whakatau pai atu, arā ki hea hiika ai ā muri nei
I piri mai te tuatahi o ā mātou pia, a Sarah Al-Hili, i raro i te kaupapa mahi Harvest Footprint, ā, ka rawe wāna mahi whakauruuru raraunga ki ArcGIS.
Sarah Al-Hili
2021 pia raumati
“Tēnā koutou i tuku mai rā i te hōtaka pia ki ahau i ēnei marama e toru kua hori. Tēnei te whakapuaki ake i te whakawhetai mō koutou i poipoi, i arataki i ahau i taku nōhanga hei pia. Ka nui te hua o taku wheako, ā, kau mai he māramatanga nunui mō ngā mahi hiika e toitū tonu ai te mauri. He pārekareka te mahi tahi ki a koutou, ā, ka nui te koa o te ngākau ki te piri ki tō koutou tīma.”
I tēnei tau, e toru atu ngā tūranga mō ngā pia raumati. Ka whai wāhi tētahi ki te mahi ki tō mātou paonga hou ki Whakatū, me te hōtaka whakamoe tio hoki. He tūranga mahi ā-ringa tēnei e mātaitia ai ngā whānau tio e tupu ana mai i te 0.5mm ki te 8mm, ā, ka mātaki, ka whakatūturu i ngā ritenga taiao pai, pēnei me te rerenga o te wai.
Kei Whangaroa te tūranga tuarua, ā, ka haepapa ki te kohikohi raraunga taiao, me te whakamahere i aua raraunga i te taha o te whanonga tuputupu. Ka rangahaua hoki te mahi whakatupu tio, me ngā taputapu atamai hou.
Hei whai i ngā mahi whakamāherehere o te tau kua hipa i roto i te kaupapa Harvest Footprint, kei te tira Ika te tūranga tuatoru, ā, ka kimi huinga raraunga mō ngā nōhanga whakahirahira, me te whakatakoto i tēnei ki runga i ngā wāhi e hiika ai mātou.
Michelle Cherrington
Kaiwhakahaere Tuku Kōrero me te Toitū-Oranga o te Kāhui
“He whakahihiko hoki te āheinga ki te tuku wheako ā-ringaringa ki te rangatahi e hua ai ko te pai ki tēnā, ki tēnā. He mea nui kia whakaatu hoki mātou i ngā mea e taea ana i roto i te umnaga kaimoana.”
XIII of XV
He umanga whanake ki Moana
Whakapau kaha ai mātou ki te hanga i te ahurea o runga rawa ki Moana, he ahurea e whai āheinga ai ō mātou tāngata ki te whakawhānake i te umanga mahi ki tētahi wāhi tautoko. Ko Yasmin Kohere te whakatinanatanga o tērā – kua kimihia e ia te wāhi pai hei hanga i te umanga pārekareka ki a ia.
Ko te aha tō tūranga ki Moana i tēnei wā?
He Kaitātari Kaute Whakahaerenga ahau mō te rōpū Tio me te rōpū Pāua, kāti kei roto i te tīma tauhokohoko.
E hia tō roa ki reira?
Hei te Hanuere kua whā tau. He huhua ōku tūranga rerekē i konei. Ko tōku tūranga o mua he Kaitātari Kaute Tautoko ki tētahi atu rōpū mahi.
YASMIN KOHERE (Ngāti Porou, Ngāti Tūwharetoa, Ngāpuhi)
He aha te mea e noho tonu ai koe ki Moana?
He pai ki ahau te wero i ahau anō, ā, nā Moana ahau i kaha ai ki te tupu tonu, ki te piki tonu. Nā he rawa tērā. Ā, he pai kē te kamupene nei hei mahi, ā, he hūmārie te katoa – i konei, he hāngai kē ki te whānau. Kāore aku hiahia ki te mahi ki ngā kamupene rangatōpū nunui.
He aha te rerekē o Moana i ētahi atu wāhi i mahi ai koe?
Ki ōku whakaaro, ka kaha ake te rongonga o te aroha i konei hei kaimahi, ā, ko te tautoko i tōku ao whaiaro hoki. He mea nui tērā ki ahau. Ka mihia ahau, ā, kua wātea hoki au ki te piki tūranga, ka kori a Tamaroto i tērā.
Mehemea ka pātai tētahi ki a koe, ka tūtohu koe i a Moana hei wāhi mahi?
Kāti, kua oti kē tēnā i ahau. Nāku tētahi hoa i tō mai ki te waka; i te kimi wāhi kē ia, ka kī atu au me haere mai ki Moana, he pai te ahurea o konei. Ka pātairia ana ahau, ka mea atu he pai te ahurea, he hūmārie mārika ngā tāngata, ā, ka rongo koe i te manaaki, ehara koe i te nama kau.
XIV of XV
Ka piri kaha ki te iwi, ka puta he kaumoana hou
E tupu ana te whānau o Sealord nā ngā hononga ki ngā iwi o Te Ika Tapu a Māui i whakakahangia mohoa noa.
I toro ētahi apatono nō Whangaroa, nō Te Aupōuri hoki ki Sealord i te Mei, ako ai mō ngā āheinga mahi e wātea ana ki te rangatahi ki tētahi kamupene me ōna momo tūranga huhua.
Ko tētahi o rātou ko tō Sealord Mātanga Kimi Kaimahi, ko David Norgate nō Sealord, hei pōhiri i a rātou. “Nō Ngāpuhi iwi ahau, ā, he nui te pitomata e kite nei au mō ngā hononga kaha i waenga i a tātou,” hei tā David.
Tokotoru ngā kaimahi hou i eke ki te waka FV Rehua – ā, he nui ake te whiwhi i tā rātou i pōhēhē ai te haere tuatahi me Sealord. Ka tukutukua ngā whakatūpato huarere puta noa i te motu – ka pā ki ngā kaumoana ki tai he karawhiunga nui, ā, he āhuatanga whakaohorere hoki tēnei mō ngā kaumoana hou.
Cody Tukaki
David Norgate
“Ko te āhua nei, koinei te āwhā kino katoa i karawhiua rā ki ngā kaumoana o runga i taua waka,” hei tā Te Kaahui Nepia (TK), nō Ngāruawāhia, i puta rā i te Westport Deep Sea Fishing School. “Kāore i paku pā mai te mate moana, ka ohorere hoki au, inā hoki kātahi anō au ka whakaeke ki runga waka.”
I piri atu ki ngā kaumoana o Rehua ko Cody Tukaki hoki, e 21 tau te pakeke, nō Kaikohe i Te Taitokerau, nō Ngāi te Rangi iwi hoki.
I mahi hoki a Cody ki te pouaka tio o runga i te waka, he whakaputuputu pouaka nui te mahi, he mahi uekaha, e mea ana ia e whakamānawa ai ia, he kaha pai nōna ki te kai o runga! Nō te waka i herea rā, ka tahuri ia ki te mahi i ētahi haora tuhene ki te wheketere ika mākūkū o Sealord ki uta, ki Whakatū. I tua atu i te mahi i te pō ki te rārangi mahi ika, ka piri ia ki te tira whakapaipai e mahi rā taea noatia te 5.30am.
Ko te toru o ngā uri o te iwi i piri mai ko te matua o ngā tamariki tokowhā, ko Dusky Pineaha nō Muriwhenua iwi, nō Ngāpuhi hoki. “I tīmata ahau i runga waka e rua rā i muri mai i te mutunga o te kōhi ki Kawatiri,” hei tā Dusky, 32, kua ruarua tau kē e mahi ikanohokōpua ana i runga i tētahi waka kōurarangi.
“He rerekē rawa i te hī kōurarangi, nā te mea ka mahia te kōurarangi ki runga kāraho, engari mō te Rehua kei te wheketere kē mātou,” hei tāna. “E mīharo ana ahau i te taumata o te hangarau o roto wheketere ki tai. Kua eke ki runga i ētahi waka, engari ka ohorere au i tērā. He mahi uaua, engari he rawe te tīma, ā, i pai mai rātou ki te ako i ahau.”
He rerekē rawa i te hī kōurarangi, nā te mea ka mahia te kōurarangi ki runga kāraho, engari mō te Rehua kei te wheketere kē mātou.
I te tau 2019 ka waitohu a Sealord i tētahi whakaaetanga mahi tahi, ko Ngā Tapuwae o Māui, me ētahi rōpū ā-iwi e 41, kia haoa ai ki runga i ngā waka o Sealord te 60 ōrau o te roherohenga a ngā iwi o ngā mahinga ika nohokōpua (ko te ūturi, te pātohe karaka, te hauture me te warehou hiriwa), ā, ka nuku atu i te 80 ōrau o ngā huanga ka hoki ki ngā iwi. Ka tuku āheinga hoki te whakaaetanga ki ngā iwi mō te whakangungu, mō te tūranga mahi.
XV of XV
He kaipara huarahi taketake
He roa te haerenga i ngā tau e 40 nei. Mai anō i ōna rangi ohinga e kohikohi tio repe ana ki Kaipara, tae atu ki te āwhina ki te whakawhanake i ngā mahi whakatupu tio pirianga tūwā, ā, i ngā tau tata nei, ko te whakauru i ngā hangarau aunoa, he hangarau takahuri i te ao.
Ka mutu te titikaha o tāna umanga mahi ki te rāngai tio, ka tukuna iho tāna rākau, ka tāoki a Vince Syddall i te tau nei. Inā te nui o ngā hua o āna kua mahue ki te iwi.
Ehara ia i te tauhou ki te uaua o ngā mahi pāmu, me te taumaha o te tuputupu e pēhi nei i te umanga ahumatua o Aotearoa e whakaumuumu nei hei pakihi tauhokohoko. Ko tētahi mea nui ko te orotā o te umanga Tio a Kiwa i te horanga o te huaketo OsHV-1. Te putanga atu o te nuinga i te umanga, nā Vince i āwhina i te whakatika i te waka, ā, nā tōna manawaū me tāna titiro ki tua o te pae i māia ai a Moana kia manawaroa ai, kia hautoa ai mā te haumi tonu i te rangahau me te whanaketanga.
He mea nui tā Vince ārahitanga kia rauora mai anō ai a Moana, me te haumi tonu i ngā hinonga Rangahau & Whanaketanga, me ngā kaupapa pēnei me ngā hōtaka āta whakamoe tio, te tahuritanga atu ki te whakaputanga kākano tahi, me te whakaurunga o te pūnaha aho rewa hou ki ngā pāmu. Nā konei i whai kaha ai kia tupu, kia whakaumuumu puta noa i ā mātou mahinga tio. He whakahirahira hoki ā Vince mahi arataki i a Moana ki tua o te pae.
E titikaha ana a Vance ki te whakapakari i ngā pakihi tio mō āpōpō, kaua i Moana anake engari puta noa i te umanga. Kua mahi ia i ngā taumata taketake, tuari ai i ōna mōhiotanga me tōna tohungatanga hei āwhinga i ngā kaimahi pāmu i Te Taitokerau hei whakatupu, hei manaaki i ngā whakahoanga ki ngā iwi o ngā rohe katoa. Kua tū ia ki ngā tūranga ārahitanga matua o te umanga, inā rā hei kaitautoko matua o te whanaketanga o ngā tio kounga hei tuku ki tāwāhi ki te IQF, hei tio ora ki te mākete hoki; ka tuwhera mai ngā hōngere tuku ki Ahitereiria, Haina, Hingapō, Rūhia me Amerika mō Moana.
Nā ā Vince mahi nui i piki ai te mana o Moana, e noho tonu ai mātou ki te hāputa o te umanga, me ngā whakahoanga ki te takiwā, te rohe, me te motu. Kua pūmau tāna noho hei tangata taketake, nāna nei i āwhina ki te whakaahua anō i te āpōpō o te umanga, nāna nei i hanga tētahi pakihi tio hei whakahīhītanga mā tātou katoa.
Tēnei mātou te mihi ki a Vince mō āna koha tauamtarau, koha ahurei, ā, e manako ana i te pai mōna.
next
05
Tō Mātou Wāhi